ONKUNDANA ye tu zilila mOmbelewa ya Gavena ya Hangwena otayi ti kutya Esiku lyAaniilonga nuumvo otali ka dhimbulukilwa pOhangwena mOshitopolwa sha Hangwena mEtitano lyoshiwike shika, ano meti 1 Mei 2009, nokwa tegelelwa li ka popithwe kOmupresidende gwoshilongo tatekulu Hifikepunye Pohamba.
Otaku tiwa kutya, Omupresidende Pohamba otaka shakenekwa kAawiliki Aakuluntu yAaniilonga, mboka wo taya ka popya sha sha simana pOshigongi shoka sha simana kaaniilonga ayehe ya Namibia.
Otapu ka kala wo Omukwaniilwa gwUukwanyama meekulu Martha Mwadinomho Kristiaan Nelumbu niilyo yElelo lye oshowo Aawiliki yOpambepo nayalwe wo yopashigwana.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
