Epupyalo lyombepo yuuyuni nelunduluko

SHO onkalo yombepo yuuyuni tayi lunduluka, ope na ompito iinamwenyo yimwe yi vule okutembukila komahala mpoka ya li ihaa yi adhika po nale.

Mbika ongaashi oongupa hadhi taandeleke uuvu ha u ithanwa lyme ta dhi iinyenge dhu uka mo Sweden na Canada hoka monakuziwa kwa li kwa talala nadho.Shimwe ishewe iikwafuta ha yi ithanwa giant humboldt squid mbyoka ngashingeyi ta yi adhika momeya gefuta popepi na British Columbia, nopamukalo nguka ota yi yono oshikondo shokukwata oohi muumbangalantu wAmerika.Omanga oomwe dhomalaria nadho otadhi tameke oku adhika mu Korea lyokuumbugantu,nomo Papua New Guinea momahala moka kaakwali ta dhi vulu okuhupa monale, oshoka mpaka ka pwa li pwa pupyala shagwana.Omanga omapuka gomomakota gomiti nago otaga indjipala neendelelo mombepo ya pupyala noku hanagula po omakuti muuninginino waAmerika lyokuumbangalantu..Omapuka ngaka oga hanagula po nale omakuti moshitopolwa sha British Columbia moCanada.Oshikwawo opena okanamwenyo haka monika ashike nomicroscope hoka taka taandeleke uuvu moohi dholudhi lwosalmon poshitopolwa shAlaska noshowo sha British Columbia.Aapekaapeki ota ya ti epupyalo lyomeya olyo ta li eta eindjipalo lyiikwa parasite mbika.