Ouministili woikwamina noikwanghono otau ka kufa ko eenghaku mokuyandja omikanda dokufukula oikwamina.
Eshi otashi ningwa shaashi omikanda dihapu dokufukula oikwamina da yandjwa itadi longifwa.
Ominista yoikwamina noikwanghono Tom Alweedo oya ti, oministili oya ya ndja omikanda dokufukula oikwamina di li 160 ashike omikanda ashike di li 68 tadi longifwa paife ngaha.
Okwa li ta popi pefimbo loshoongalele shoMining Expo and Conference mOvenduka Etitatu.
“Otwa mona oshinima osho u na omwaalu wovanhu ve na omikanda dokufukula oikwamina ndee itadi longifwa sha ndee paife otu na omilandu dakukuta ngee hatu tambula omaindilo,” Osho Alweendo a ti ngaho.
Alweendo okwa ti, oministili oya tota po omulandu womikanda dipe di kale tadi wilikwa keudafano olo li li pokati koministili namwene womukanda.
Okwa ti opwa kala pu na ohokwe lela yokutula oshimaliwa moikwamina, ta weda po va li kutya omikanda odo itadi longifwa otashi dulika di imbe
nokweendifa kashona oilonga yoikwamina moshilongo.
“Okudja muDesemba odula ya dja ko, okwa li tu na omaindilo ape e li 600 ndee okudja muJanuali fiyo onena otwa mona omaindilo e li 400,” Alweendo osho a ti ngaho.
Eli olo etomeno okuyandja omikanda dokufukula oikwamina haku pula oule weemwedi omulongo omanga inaku manifwa, osho a weda po ngaho.
Shimwe vali, Alweendo okwa ti epangelo ola kala nokulonga opo li ete po omulandu oo tau nane ovanangeshefa.
“Ongeshefa oya fimana moshikondo omu opo tu kwashilipalekwe kutya otwa hapupaleka omauwa eliko, hatu tala kutya eedjo edi itadi pu po,” Alweendo osho a ti ngaho.
Koshivilo oko tuu oko, omupedu pelesidente Netumbo Nandi-Ndaitwah okwa ti eedjo adishe dopaushitwe odOvanamibia.
Okwa ti nande opwa kala pu na eenghundafana dopashiwana kombinga yoovene voikwamina nomahooli noshimoko, kapu na oshinima shokulikundwa opo eedjo dopaushitwe odOvanamibia.
“Osha yela nawa, eedjo dopaushitwe odOvanamibia ngaashi ekotamhango letu tali ti,” Osho a ti ngaho.
Nandi-Ndaitwah okwa ti oveta oyo tai amene oumwene nokunana ovanangeshefa oya pumbwa okulongwa mo.
“Eedjo dopaushitwe odetu, ashike otu na okutula mo oshimaliwa mudo opo tu dule okudilongifa,” Osho a ti ngaho. . .
okwa ti epangelo otali manifa omulandu wokukwatela mo Ovanamibia oo tau ka vatela Ovanamibia va ka mone omauwa e li pombada meedjo dopaushitwe.
“Paife, oikwafabulika ohai yandje eepelesenda di li 60 fi yo 80 kovanangeshefa vokukonga oipumbiwa vomoshilongo ndee onda hala osho shi kale ngaho ile shi ye pombada,” Nandi-Ndaitwah osho a ti ngaho.
Okwa pula omahangano aeshe mwa kwatelwa opaumwene nosho yo epangelo opo a vatele ovanangeshefa vashona noshimaliwa.
“Oshi li po nale kutya ongoshilongo, otwa pumbwa okulongifa okuyambidida ehongo nomadeulo, unene ngaa oikwamina, omahooli noshimoko opo tu yambule po ovanyasha,” Nandi-Ndaitwah osho a ti ngaho.
Natango omukulunhuwiliki wehangano ledina Namibia Investment Promotion and Development Board Nangula Uaandja eshi kwa li ta popi poshivilo opo tuu apa okwa ti nande eedjo dopaushitwe odOvanamibia, oshilongo osha pumbwa oshimaliwa okudja kwaavo ve na oshimaliwa.
“Otwa pumbwa oshimaliwa opo tu kwashilipaleke kutya otwa mona mo ongushu ihapu meedjo detu,” Osho a ti ngaho.
“Otwa pumbwa elongelokumwe liwa pokati kamwene weedjo namwene woshimaliwa,” Uaandja osho a ti ngaho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
