Epangelo olya hala UDP a hanagulwepo

E PANGELO olya tseyitha ngeyi kutya ongundu yopapolitika mu Caprivi kutya kayi li paveta nolya keelele iilonga niigongi yayo kaa yi ningwe we moshilongo okuza mesiku lyotango lya Septemba.

Pethimbo ta tseyitha etokolo ndika mOvenduka mEtitano kombinga yo United Democratic Party (UDP), omutenya gwEtitano lya zi ko, Ominista yOpevi mUuuministeli wOmauyelele, Raphael Dinyando okwa tamaneke ta ti UDP okwa hala okulyatelapevi elandulathano lyEkotampango lya Namibia. “Oshigongi kehe sha UDP itashi ka pitikwa mOrepublika ya Namibia.Ta gwedhapo ngeyi kutya mboka taya yambidhidha edhilaadhilo lyokuteta ko oshitopolwa sha Caprivi ku Namibia muuwanawa wa UDP otaya ka longiwa nayo shi ikwatelela kooveta dha Namibia,” Dinyando ta lombwele ngaaka iikundaneki mOvenduka.Ina gandja naanaa uuyelele kutya omolwashike Epangelo lya ninga etokolo lyatya ngaaka moshinima shika.”Otwa li omapopyo kutya aayambidhidhi ya UDP oya li ya yi mOtelevisi ya Namibia Broadcasting Corportion (NBC) moka ya popi kutya oya li ya hala okuteta ko oshitopolwa sha Caprivi ku Namibia,” ta popi ngaaka.Ta ti oshinima shika osha ningilwe iiwike ya zileko kaayambidhidhi mboka ya li mombepo okupitila mu NBC.Iilonga ayihe yaaitendiko naamboka ye mu UDP oyi na okutalika ko kutya iilonga yaali paveta, ta gwedhapo ngaaka.”Okuninga shila ongundu yoUDP ya ekelahi edhilaadhilo lyokutenda ko oshitopolwa shoka, ngele nani hasho, iilonga yawo otayi talika kutya kayi li paveta naakalekipoveta otaya ka longa iilonga yawo paeveta dhetu.”Kepulo ngele ongundu yoUDP oya ekelwahi noku tseyithwa kutya kayi li paveta, Dinyando okwa yamukula ngeyi kutya ongundu ya UDP inayi shangithwa nokuli noshikondo shOmahogololo sha Namibia nenge Electrol Commission of Namibia (ECN) noshinima shika oyeshi ningi yi kale yaalipaveta.”Ongundu kehe yopapolitika oyi na okwiishangitha hoka noyi na okugwanitha po iinakugwanithwa yontumba pethimbo lyomaishangitho.Paveta yOmaishangitho, UDP ini ishangitha hoka.”Omalalakano ga UDP ogokutendako oshitopolwa sha Caprivi ku Namibia – noshinima shika oshi li nee ompinge nEkotampango lyaNamibia, Omupeviminista gwOmauyelele ta popi ngaaka.”Pethimbo ndika, ongundu ndjika otayi uvitha eitendoko, noshinima shoka kashi li paveta,” Dinyando ta popi ngaaka nomuthindo.Dinyando okwa tindi okulombwela aatoolinkundana ngele UDP okwa keelelewa mo mu Namibia thilu thilu.Omupeviminista ta ti nando nee Ekotampango lya Namibia otali popi kutya Omunamibia kehe okwa pitikwa okukutha ombinga minima yopapolitika kehe yi li pambili, Ekotampango otali pitike oongundu ndhoka ye na omalalakano gokutenda iitopolwa yoshilongo noyi ikalekela.Ta ti shoka oshi li ompinge nEkotampango.”Edhilaadhilo lyoUDP lyokutendako oshitopolwa sha Caprivi ku Namibia oli li eyonagulo lyEkotampango.Omuntu kehe ti itula miilonga yongundu yatya ngaaka naye ota yonagula ekotampango lyOshilongo.”Mu Aguste 1999 oonkambadhala dhokutetako Caprivi ku Namibia odha ndopa poKatima Mulilo shoka shi li oshilandopangelo shoshitopolwa shoka.Otaku hokololwa ngeyi kutya edhilaadhilo ndika lyokutenda ko Caprivi ku Namibia olya li edhilaadhilo lya Mishake Muyongo ngoka oye a tota po UDP momumvo 1985.Ongundu ya homata ndjoka ya li tayi iyithana yoyene Caprivi Liberation Army (CLA) yewawa lyoUDP oya li ya ningi oonkambadhala dhokukwatako nokundolola omatungo gOradio poKatima Mulilo.Etanga lyEgameno lya Namibia pamwe nOpolisi ya Namibia oya sitopa eponokelo ndyoka nokuya oonkambadhala ndhoka moshipala.Omwaalu gwaantu yontumba ogwa li gwa dhipagwa omanga omathele ya dhitikwa nokutulwa miipandeko.Muyongo pamwe nayakwawo oya fadhukapo nokuya ku Botswana hoka ya ka pula ya pewe uuholameno.Konima yethimbo Muyongo okwa ka ya ku Denmark hoka a pewa uuholameno na oko nee e li sigo onena ndjika.UDP okwa kala oshilyongundu shoDemocratic Turnuhalle Alliance (DTA) omanga oshilongo inashi oanguluka.Pahokololo lya Dinyando, Momumvo 1999 UDP okwa li a zi mo mu DTA, ashike ka li iishangitha ongundu yopapolitika yi ithikamena.Omulumentu ngoka e lile komeho ongundu ndjika yoUDP oye Crispin Matongo ngoka a kala omunashipundi gwoSwapo e li komutuni moashitopolwa shoka sha Caprivi unene tuu pu Katwe momumvo 1977.Okuza momumvo gwa landulako, okwa li a tidhwa mo moshitopolwa sha Caprivi kepangelo lya South Afrika sigo omomumvo 1989 sho emanguluko lye ya popepi.Matongo ngoka ngashiingeyi e na omimvo 70 okwa ningwa Komufala gwotango gwOondholongo mu Namibia mu Mei omumvo 1990.Okwi ikutha miilonga mbika kuukulupe momumvo 1996 etayi komukunda gwawo ko Linyanti moshitopolwa sha Caprivi.Momumvo 1999 Matongo okwa li a ndjoina ongundu yo Congresa of Democratic (CoD), nokwi ikutha mo ishewe omumvo gwa zi ko opo a ka pendulepo ongundu yawo yoUDP moka a ningi Omunashipundi gwayo mu Novemba omumvo gwa zi ko.Omwedhi gwa zi ko, okwa li a lombwele The Namibian kutya oku na eitaalo kutya oshitopolwa sha Caprivi kashi li naanaa oshitopolwa sha Namibia pauyuuki noshi na okutetwa ko opo shi kale oshilongo shi ithikamena kusho shene.”Otwa hala okukala twi ithikamena kutse yene.Ngele otwa mono emanguluko lyetu nokwiithikamena, otatu tameke okuyambulapo oshitopolwa shetu paukalo gwAacaprivi,” Matongo ta popi ngaaka pethimbo lyomapulapulo noshifo shika.Matongo omumwayinagona gwa Mishake Miuyongo.”Oshigongi kehe sha UDP itashi ka pitikwa mOrepublika ya Namibia.Ta gwedhapo ngeyi kutya mboka taya yambidhidha edhilaadhilo lyokuteta ko oshitopolwa sha Caprivi ku Namibia muuwanawa wa UDP otaya ka longiwa nayo shi ikwatelela kooveta dha Namibia,” Dinyando ta lombwele ngaaka iikundaneki mOvenduka.Ina gandja naanaa uuyelele kutya omolwashike Epangelo lya ninga etokolo lyatya ngaaka moshinima shika.”Otwa li omapopyo kutya aayambidhidhi ya UDP oya li ya yi mOtelevisi ya Namibia Broadcasting Corportion (NBC) moka ya popi kutya oya li ya hala okuteta ko oshitopolwa sha Caprivi ku Namibia,” ta popi ngaaka.Ta ti oshinima shika osha ningilwe iiwike ya zileko kaayambidhidhi mboka ya li mombepo okupitila mu NBC.Iilonga ayihe yaaitendiko naamboka ye mu UDP oyi na okutalika ko kutya iilonga yaali paveta, ta gwedhapo ngaaka.”Okuninga shila ongundu yoUDP ya ekelahi edhilaadhilo lyokutenda ko oshitopolwa shoka, ngele nani hasho, iilonga yawo otayi talika kutya kayi li paveta naakalekipoveta otaya ka longa iilonga yawo paeveta dhetu.”Kepulo ngele ongundu yoUDP oya ekelwahi noku tseyithwa kutya kayi li paveta, Dinyando okwa yamukula ngeyi kutya ongundu ya UDP inayi shangithwa nokuli noshikondo shOmahogololo sha Namibia nenge Electrol Commission of Namibia (ECN) noshinima shika oyeshi ningi yi kale yaalipaveta.”Ongundu kehe yopapolitika oyi na okwiishangitha hoka noyi na okugwanitha po iinakugwanithwa yontumba pethimbo lyomaishangitho.Paveta yOmaishangitho, UDP ini ishangitha hoka.”Omalalakano ga UDP ogokutendako oshitopolwa sha Caprivi ku Namibia – noshinima shika oshi li nee ompinge nEkotampango lyaNamibia, Omupeviminista gwOmauyelele ta popi ngaaka.”Pethimbo ndika, ongundu ndjika otayi uvitha eitendoko, noshinima shoka kashi li paveta,” Dinyando ta popi ngaaka nomuthindo.Dinyando okwa tindi okulombwela aatoolinkundana ngele UDP okwa keelelewa mo mu Namibia thilu thilu.Omupeviminista ta ti nando nee Ekotampango lya Namibia otali popi kutya Omunamibia kehe okwa pitikwa okukutha ombinga minima yopapolitika kehe yi li pambili, Ekotampango otali pitike oongundu ndhoka ye na omalalakano gokutenda iitopolwa yoshilongo noyi ikalekela.Ta ti shoka oshi li ompinge nEkotampango.”Edhilaadhilo lyoUDP lyokutendako oshitopolwa sha Caprivi ku Namibia oli li eyonagulo lyEkotampango.Omuntu kehe ti itula miilonga yongundu yatya ngaaka naye ota yonagula ekotampango lyOshilongo.”Mu Aguste 1999 oonkambadhala dhokutetako Caprivi ku Namibia odha ndopa poKatima Mulilo shoka shi li oshilandopangelo shoshitopolwa shoka.Otaku hokololwa ngeyi kutya edhilaadhilo ndika lyokutenda ko Caprivi ku Namibia olya li edhilaadhilo lya Mishake Muyongo ngoka oye a tota po UDP momumvo 1985.Ongundu ya homata ndjoka ya li tayi iyithana yoyene Caprivi Liberation Army (CLA) yewawa lyoUDP oya li ya ningi oonkambadhala dhokukwatako nokundolola omatungo gOradio poKatima Mulilo.Etanga lyEgameno lya Namibia pamwe nOpolisi ya Namibia oya sitopa eponokelo ndyoka nokuya oonkambadhala ndhoka moshipala.Omwaalu gwaantu yontumba ogwa li gwa dhipagwa omanga omathele ya dhitikwa nokutulwa miipandeko.Muyongo pamwe nayakwawo oya fadhukapo nokuya ku Botswana hoka ya ka pula ya pewe uuholameno.Konima yethimbo Muyongo okwa ka ya ku Denmark hoka a pewa uuholameno na oko nee e li sigo onena ndjika.UDP okwa kala oshilyongundu shoDemocratic Turnuhalle Alliance (DTA) omanga oshilongo inashi oanguluka.Pahokololo lya Dinyando, Momumvo 1999 UDP okwa li a zi mo mu DTA, ashike ka li iishangitha ongundu yopapolitika yi ithikamena.Omulumentu ngoka e lile komeho ongundu ndjika yoUDP oye Crispin Matongo ngoka a kala omunashipundi gwoSwapo e li komutuni moashitopolwa shoka sha Caprivi unene tuu pu Katwe momumvo 1977.Okuza momumvo gwa landulako, okwa li a tidhwa mo moshitopolwa sha Caprivi kepangelo lya South Afrika sigo omomumvo 1989 sho emanguluko lye ya popepi.Matongo ngoka ngashiingeyi e na omimvo 70 okwa ningwa Komufala gwotango gwOondholongo mu Namibia mu Mei omumvo 1990.Okwi ikutha miilonga mbika kuukulupe momumvo 1996 etayi komukunda gwawo ko Linyanti moshitopolwa sha Caprivi.Momumvo 1999 Matongo okwa li a ndjoina ongundu yo Congresa of Democratic (CoD), nokwi ikutha mo ishewe omumvo gwa zi ko opo a ka pendulepo ongundu yawo yoUDP moka a ningi Omunashipundi gwayo mu Novemba omumvo gwa zi ko.Omwedhi gwa zi ko, okwa li a lombwele The Namibian kutya oku na eitaalo kutya oshitopolwa sha Caprivi kashi li naanaa oshitopolwa sha Namibia pauyuuki noshi na okutetwa ko opo shi kale oshilongo shi ithikamena kusho shene.”Otwa hala okukala twi ithikamena kutse yene.Ngele otwa mono emanguluko lyetu nokwiithikamena, otatu tameke okuyambulapo oshitopolwa shetu paukalo gwAacaprivi,” Matongo ta popi ngaaka pethimbo lyomapulapulo noshifo shika.Matongo omumwayinagona gwa Mishake Miuyongo.