Epangelo olya hala omathithi ga mone openzela, Ndinomupya ta ti

OMUPRESIDENDE gwEhangano lyOmathithi moNamibia, Josef Ndinomupya okwa tseyitha omasiku ngaka mOshakati kutya Epangelo olya zimina kutya omathithi agehe naga mone ekwatho lyOpapenzela.

Mboka yaali oya kala nokukondja pamwe moshinima shika paemkungathana nEpangelo. Ndinomupya ta ti ngashi mIitopolwa mbika, Ohangwena, Oshana, Oshikoto nOmusati oya tameka nale okuuvitha ko Omathithi naayehe mboka ye na omathithi momagumbo kutya Epangelo olya gandja elombwelo kUuministeli wUuhaku Omathithi ga kale haga mono openzela.Ga kale haga mono oshimaliwa shokwiilandela omagadhi, omakende gomuzile, omambale noshowo oonguyo dhokwiikelela komutenya, ano ndhoka dhomaako omale noombulukweya oonde.Kuyele Kambabi okwa tseiyithile kutya omvula ndjika otayi ka kala omvula yokuuvitha ko omathithi agehe kombinga yuuthemba wawo noshowo okuuvitha ko oshigwana kombinga yonkalo ya go.Kambabi a popile ta ti, “Oshigwana oshiholike hamu tonatele omathithi otamu tseyithilwa kutya omvula ndjika oyo omvula yokulonga nokuuvitha ko omathithi pamwe noshigwana kutya moNamibia omu na Ehangano lyOmathithi.Otali lalakanene uuwanawa nuundjolowele woshipa shomathithi.Shoka sha popilwe Kambabi, Ndinomupya ota ti kutya osha ya nee miilonga noye li ya tameka nale mIitopolwa, unene tuu mbika ine yomoNooli, neuvithoko ndika notaya tsikile wo nIitopolwa iikwawo.Ashike otaya ti kutya oye na uupyakadhi wosheenditho notaya indile kAanangeshefa, kOmahangano nokoohandimwe ye ya kwathele mompumbwe dhawo ndhika opo ya vule okwiinyenga nokuya kIitopolwa ayihe omulongoniitatu ya Namibia.Omasiku ga zi ko, Aawiliki yOmathithi mbaka yaali otaya ti kutya oya monene ekwatho okuzilila kOmbaanga yOshigwana ya Namibia, First National Bank (FNB), ndjoka ye ya pe Omagano gomambale ogendji lela noye ga topolele Omathithi mOshipangelo shEpangelo sha Shakati meti 18 Juli nuumvo.”Otatu pandula noonkondo Ombaanga yOtango yOpashigwana,” Ndinomupya ta upandula.Ta gwedha po kutya mu Aguste, otaya ka ya nIitopolwa yilwe ngashi Okavango, Ocaprivi, Otjozondjupa nosho tuu.Ashike oya pumbwa nee oshimaliwa opo ya vule okwiinyenga.Otaya pandula wo omunangeshefa gumwe gokOvenduka ngoka wo eya yambidhidha omasiku ga zi ko nokupandula wo yalwe ngashi Mvula Munyaango nayakwawo yalwe wo.Kepulo Ndinomupya okwa ti kutya sho ya tala moshilongo omu na omathithi ge vulithe pomathele gahetatu nomilongo omugoyi lwaampoka.Ndinomupya na Kambambi taya tseyitha wo kutya Omutoti gwEhangano lyOmathithi Moses Kaluwapa okwa li moshipangelo shEpangelo sha Shakati moka a li a mono etando nokwa kanitha okutsi kwe kumwe.Taya ti kutya oku li po hwepo nota mono ekwatho kEpangelo shi vulithe sho a li a hala okukonga omakwatho kuye mwene goku mu pangitha.Aawiliki yEhangano lyOmathithi ndika, otaya indile nee koshigwana shOmathithi naayehe mboka ye na omathithi momagumbo gawo ya kale ya uva ko kutya okwiipyakidhilwa nomathithi ga mone omayakulo, unene gi ishangithe mopenzela ga mone omakwathelo kEpangelo.Ndinomupya ta ti ngashi mIitopolwa mbika, Ohangwena, Oshana, Oshikoto nOmusati oya tameka nale okuuvitha ko Omathithi naayehe mboka ye na omathithi momagumbo kutya Epangelo olya gandja elombwelo kUuministeli wUuhaku Omathithi ga kale haga mono openzela.Ga kale haga mono oshimaliwa shokwiilandela omagadhi, omakende gomuzile, omambale noshowo oonguyo dhokwiikelela komutenya, ano ndhoka dhomaako omale noombulukweya oonde.Kuyele Kambabi okwa tseiyithile kutya omvula ndjika otayi ka kala omvula yokuuvitha ko omathithi agehe kombinga yuuthemba wawo noshowo okuuvitha ko oshigwana kombinga yonkalo ya go.Kambabi a popile ta ti, “Oshigwana oshiholike hamu tonatele omathithi otamu tseyithilwa kutya omvula ndjika oyo omvula yokulonga nokuuvitha ko omathithi pamwe noshigwana kutya moNamibia omu na Ehangano lyOmathithi.Otali lalakanene uuwanawa nuundjolowele woshipa shomathithi.Shoka sha popilwe Kambabi, Ndinomupya ota ti kutya osha ya nee miilonga noye li ya tameka nale mIitopolwa, unene tuu mbika ine yomoNooli, neuvithoko ndika notaya tsikile wo nIitopolwa iikwawo.Ashike otaya ti kutya oye na uupyakadhi wosheenditho notaya indile kAanangeshefa, kOmahangano nokoohandimwe ye ya kwathele mompumbwe dhawo ndhika opo ya vule okwiinyenga nokuya kIitopolwa ayihe omulongoniitatu ya Namibia.Omasiku ga zi ko, Aawiliki yOmathithi mbaka yaali otaya ti kutya oya monene ekwatho okuzilila kOmbaanga yOshigwana ya Namibia, First National Bank (FNB), ndjoka ye ya pe Omagano gomambale ogendji lela noye ga topolele Omathithi mOshipangelo shEpangelo sha Shakati meti 18 Juli nuumvo.”Otatu pandula noonkondo Ombaanga yOtango yOpashigwana,” Ndinomupya ta upandula.Ta gwedha po kutya mu Aguste, otaya ka ya nIitopolwa yilwe ngashi Okavango, Ocaprivi, Otjozondjupa nosho tuu.Ashike oya pumbwa nee oshimaliwa opo ya vule okwiinyenga.Otaya pandula wo omunangeshefa gumwe gokOvenduka ngoka wo eya yambidhidha omasiku ga zi ko nokupandula wo yalwe ngashi Mvula Munyaango nayakwawo yalwe wo.Kepulo Ndinomupya okwa ti kutya sho ya tala moshilongo omu na omathithi ge vulithe pomathele gahetatu nomilongo omugoyi lwaampoka.Ndinomupya na Kambambi taya tseyitha wo kutya Omutoti gwEhangano lyOmathithi Moses Kaluwapa okwa li moshipangelo shEpangelo sha Shakati moka a li a mono etando nokwa kanitha okutsi kwe kumwe.Taya ti kutya oku li po hwepo nota mono ekwatho kEpangelo shi vulithe sho a li a hala okukonga omakwatho kuye mwene goku mu pangitha.Aawiliki yEhangano lyOmathithi ndika, otaya indile nee koshigwana shOmathithi naayehe mboka ye na omathithi momagumbo gawo ya kale ya uva ko kutya okwiipyakidhilwa nomathithi ga mone omayakulo, unene gi ishangithe mopenzela ga mone omakwathelo kEpangelo.