EPANGELO lya Namibia oli na edhiladhilo okudhika uundjugo pooha dhoondjila dhopashigwana.
Pethimbo ndika, aalongithi yoondjila ohaya ikwathele miihwa, ihe aanfaalama otaya ti kutya oshinima shika otashi nyeteka omahala gawo. Oshinima shokudhika uundjugo pooha dhoondjila osha li sha kundathanwa kOoministeli naawiliki yOpashigwana pOshomeya omasiku ga zi ko.
Oshikando shotango Epangelo lya li lya kundathana oshinima shika mu Septemba gwomumvo gwa zi ko. Poshigongi shopOshomeya, Ominista yIilonga nOmakwatakanithokumwe gopangodhi, Helmut Angula, okwa ti aanafaalama mboka ye na oofalama dhawo dhi li pooha dhopate dhopashigwana, oye li taya nyenyeta noonkondo, sho haya adha oombapaila dhokwiikomba dha halakana noofaalama dhawo.
‘Oshinima shika kashi ashike oshiwinayi, ihe itashi vulu wo okwiidhidhimikilwa,’Angula ta popi ngaaka. Oshigongi shika osha kundathana wo omikalo dha nkene uundjugo mbuka u na okukalekwa wa yela, unene tuu sho tau ka tulwa pomahala kapu na aantu.
Meya gwa Shomeya okwa ti otashi ka kala nawa ngele omuntu ta futu uuna a hgala okulongitha uundjugo mbuka, opo aantu mboka ye na omagumbo nenge oofalama dhawo dhi li pooha dhoondjila ya mone iilonga.
Oshigongi shika osha li sha kalwa kaanambelewa ya za kUuministeli wIilonga nOmakwatakanithokumwe gOpangodhi, Uuministeli wIikwameni, Uuministeli wOmindhingoloko nOokansela mElelo lya Muni gwa Shomeya.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
