Epangelo ola hala okutota ehangano loikundaneki tali ka futa eendjabidi li pombada

Epangelo ola yandja olopota oyo tai ulike ondunge yokutota ehangano loikundaneki lakula.

Eshi otashi ningwa pakuhengumunina mumwe ehangano ledina New Era Publication Corporation (NEPC) nehangano ledina Namibia Press Agency (Nampa), oshinima eshi otashi ka pula ovafuti voishoshela eemiliyona dihapu okupitila mokufuta ovakulunhuwiliki novanailonga vepangelo.
Oshinima eshi shokutula omahangano aa mumwe osha kala nale sha fanekwa oule weedula omilongo.

Olopota yomomafiku 04 Mei 2024, i li koshi yoshipalanyole ‘The Namibia Press Agency at the New Era Publication Corporation’, olopota ei kwa li ya nyolwa koministili yomauyelele nomakwatafano opaungoba, omwa nyolwa ondunge yokutulamumwe omahangano aa avali, oo a kala a tala moshimaliwa shepangelo oule weedula di fike po34.

“Fye [Ministili yomauyelele nomakwatafano opaungoba] ohatu pula opo omahangano aa a ye mumwe opo kwoongelwe owino u na sha naasho tashi lalakanenwa,” Olopota osho ya ti ngaho. Oshinima eshi shokuya mumwe osha kwatela mo ovakulunhuwiliki ovo tava ka futwa oshimaliwa shi li pombada noilyo yonguduwiliki oyo ya mwatela ongudu yomahangano epangelo ngaashi, Nampower, Namwater noTelcom.

Olopota oya ti epangelo otali ka kala li na mo eepelesenda di li 60 mehangano eli lipe.

Olopota oya ti omaangano aeshe avali aa taa i mumwe otaa ka kala taa longifa oihako yao, omanga ehangano eli lipe tali ka kala la talika ko kutya olo lakula.

Omukulunhuwiliki womauyelele nomakwatafano opaungoba, Audrin Mathe, Etine loshivike sha dja ko okwa ti: “Kapu na sha tashi dulu okuyandjwa panghatu ei manga. Ohatu ka shiivifa ngee omalunduluko a ningwa.” Olopota oya ti, ehangano otali ka wilikwa kongudu yovakulunhuwiliki tava ka wilikwa nokukwatelwa komesho kongudu wovanawino.

Natango olopota otai ti oministili otai ka ya ndja omalombwelo konguduwiliki yomahangano aesho komumbwe yokutota omutengenekwafaneko opo ku kongwe omunhu tadi kondje yomahangano yee a dule okuninga omakonakono omikalo odo omahangao oo haa longifa nokutotwe ile kukongwe omukalo upe oo tau kala tau longifwa mehangano omu.

Ehangano loNampa noNEPC ohaa longifa oshimaliwa shi fike peemiliyona N$75 okuya kumwe keshe kodula.

Omaliko omahanga aa a ya kumwe ee na ongushu yeemiliyona N$133.

Ovakulunhuwiliki vehangano eli lipe otava ka ulikwa kovanhu ovo ve na mo oipambuliko mehangano netaku ka kongwa ovanawino ovo va ka kwatele komesho eenghundafana edi.

Omukulunhuwiliki wehangano loNampa Linus Chata okwa ti omaliudo aye kehengumukilomumwe kae na oshilonga. Okwa ti keshi kutya oshinima eshi otashi manwa naini, shaashi oshi kwetelwe komesho kepangelo.

“Katu na mo onghandangala musho, kakele ashike kwaashi twa lombwelwa tu ninge,” Osho a ti ngaho. Chata okwa ti okwe lineekela ehangano olo lipe otali ka kufa po ovanailonga aveshe ve li 104 vehangano.

“Inashi teelelika okukakufa omunhu moilonga. Ondi wete kutya oshinima ashishe otashi ka nyamukula omapulo aa,” Osho a ti ngaho.

Omukulunhuwiliki woNEPC Christof Maletsky ina nyamukula eengodi nomatumwalaka oo kwa li a tuminwa Etine loshivike sha dja ko.Maletsky okwa pandulwa eshi a eta oshifokundaneki shepangelo ponghalo iwa.