Epangelo na NUNW ya kuutumba

E PANGELO mEtine lya zi ko olya lombwele omahangano ge li moonkudathana kombinga yoshinima sha Ramatex kutya inaga patelwa pondje moonkundathana dhi na sha nokutokola onakuyiwa yOkampani ndjika yokuhondja oonguwo.

Oshiwike sha zi ko, aakalelipo yomahangano gaaniilonga kaya li aniwa ya lombwelwa sha kombinga yiigongi mbyoka ya li pokati kEpangelo nOmukuluntuwiliki gwa Ramatex Albert Lim. Pambapila ndjoka ehangano lyOmahangano gAaniilonga mu Namibia nenge tutye National Union of Namibian Workers (NUNW) lya shangele kOmuprimaminista Nahas Angula mEtiyali lyoshiwike sha zi ko, NUNW okwa popi kutya Epangelo otali ningi iigongi ya fa yi na sha kohi nAawiliki yOkampani ya Ramatex na ina li hala okweeta NUNW moonkundathana ndhika opo wo naye a gandje iiyetwapo ye kombinga yonkalo ya Ramatex.Mombapila ndjika, Amushanga-Ndjayi gwa Ramatex Evalatus Kaarond, okwa li a ningi eyindilo kOmuprima Angula kutya oya hala okuninga oonkundathana naye, ndhoka dha li nee dha ningwa mEtine.Konima yoonkundathana ndhika, Omupresidende gwa NUNW Alpheus Muheua okwa lombwele The Namibian kutya ‘ngashiingeyi oshinima osha yelithwa na NUNW okwa nyanyukilwa oshizemo.Muheua okwa ti Epangelo olye ya kwashilipaleka kutya iiyetwapo yomahangano gaaniilonga kombinga ya Ramatex otayi ka tulwa aluhe moonkundathana kehe tadhi ka ningwa pokati kEpangelo nOkampani ndjika.Omasiku ga zi ko, Omuprimaminista Angula okwa li a popi kutya Ramatex oku na edhiladhilo okuyambulapo iilonga yayo, okugandja omadheulo kaaniilonga yawo nosho wo okwiiyutha koveta yi na sha negameno lyuuntshitwe.Angula okwe shi koleke wo kutya otaku ningwa wo oonkambadhala okweeta mo natango aaniilonga yaakwiilongo mOofaabulika dha Ramatex, ihe okwa popi kutya ita ku ka kuthwa omuntu kehe.Aaniilonga ya Ramatex oyi ikwata omapopyo kutya Okampani ndjika oya hala okweeta aaniilonga yaakwiilongo moofaabulika dhayo mOvenduka.Shika oye li ompinge nasho molwashoka Okampani ndjika oya tindi okugwedhela oondjambi dhawo nokulundulula onkalo yiilonga moka yeli, shoka sha kala nokwiindila ya ningilwe ethimbo ele.Omathimbo ga zi ko, Ramatex okwa li a lombwele Epangelo kutya okwa hala okupata oofabulika dhe mu Namibia, molwashoka aniwa itamu longwa iikutu oyindji yi thike poonkondo dhOkampani.Amushanga-Ndjayi gwehangano lyaaniilonga lya Namibian Food and Allied Workers Union (Nafau) Kiros Sackarias okwa tindi okugandja okomenda ku shika.Pambapila ndjoka ehangano lyOmahangano gAaniilonga mu Namibia nenge tutye National Union of Namibian Workers (NUNW) lya shangele kOmuprimaminista Nahas Angula mEtiyali lyoshiwike sha zi ko, NUNW okwa popi kutya Epangelo otali ningi iigongi ya fa yi na sha kohi nAawiliki yOkampani ya Ramatex na ina li hala okweeta NUNW moonkundathana ndhika opo wo naye a gandje iiyetwapo ye kombinga yonkalo ya Ramatex.Mombapila ndjika, Amushanga-Ndjayi gwa Ramatex Evalatus Kaarond, okwa li a ningi eyindilo kOmuprima Angula kutya oya hala okuninga oonkundathana naye, ndhoka dha li nee dha ningwa mEtine.Konima yoonkundathana ndhika, Omupresidende gwa NUNW Alpheus Muheua okwa lombwele The Namibian kutya ‘ngashiingeyi oshinima osha yelithwa na NUNW okwa nyanyukilwa oshizemo.Muheua okwa ti Epangelo olye ya kwashilipaleka kutya iiyetwapo yomahangano gaaniilonga kombinga ya Ramatex otayi ka tulwa aluhe moonkundathana kehe tadhi ka ningwa pokati kEpangelo nOkampani ndjika.Omasiku ga zi ko, Omuprimaminista Angula okwa li a popi kutya Ramatex oku na edhiladhilo okuyambulapo iilonga yayo, okugandja omadheulo kaaniilonga yawo nosho wo okwiiyutha koveta yi na sha negameno lyuuntshitwe.Angula okwe shi koleke wo kutya otaku ningwa wo oonkambadhala okweeta mo natango aaniilonga yaakwiilongo mOofaabulika dha Ramatex, ihe okwa popi kutya ita ku ka kuthwa omuntu kehe.Aaniilonga ya Ramatex oyi ikwata omapopyo kutya Okampani ndjika oya hala okweeta aaniilonga yaakwiilongo moofaabulika dhayo mOvenduka.Shika oye li ompinge nasho molwashoka Okampani ndjika oya tindi okugwedhela oondjambi dhawo nokulundulula onkalo yiilonga moka yeli, shoka sha kala nokwiindila ya ningilwe ethimbo ele.Omathimbo ga zi ko, Ramatex okwa li a lombwele Epangelo kutya okwa hala okupata oofabulika dhe mu Namibia, molwashoka aniwa itamu longwa iikutu oyindji yi thike poonkondo dhOkampani.Amushanga-Ndjayi gwehangano lyaaniilonga lya Namibian Food and Allied Workers Union (Nafau) Kiros Sackarias okwa tindi okugandja okomenda ku shika.