Epangelo lya pangula elongitho lyoonkondo

EPANGELO olya pangula elongitho lyoonkondo lyopapolitika, ndyoka lyaholoka po, pokati koSwapo noRDP pOutapi moSoondaha ya ziko.
Ominista Yuuyelele, Joel Kaapanda okwa ti epangelo ina li panda koshiningwanima shika she longitho lyoonkondo, noongundu dhopolitika ina dhi piyaganeka we iigongi yoongundu oonkwawo.

Kaapanda ina silohenda ongundu ye yoSwapo. Okwa ti epangelo ota li pangula shoka ya ningi noshowo, omaihumbato gawo, sha landula sho aayambidhidhi yongundu ndjika ya gongala mooha dhondjila ndjoka ya, ya mOutapi noku piyaganeka aayambidhidhi yo RDP.Okwa ti shika ina shi endululwa we, medhina lyombili nolyomahogololo gopambili pehulilo lyomwedhi nguka.Kaapanda okwa nyenyetele woo aaleli yoRDP sho ya pitike aalelwa yawo ya, ye koshigongi niikondjitho, moku dhiladhila kutya ota pa ka kala elongitho lyoonkondo.Okwa ti oRDP oyina okwiihumbata pamulandu gweihumbato lyomahogololo, ngaashika hagu landulwa koongundu oonkwawo, na inayi hinda oongundu oonkwawo nomipopyo nenge nomainyengo taga hindana.’Ha muntu ti ikuthile ompango miikaha yemwene’osho a ti ta indile mboka yu uvite ya mbandamekwa ya tseyithile opolisi.’Otu na oshimpwiyu, ina tu hala okumona elongitho lyoonkondo pethimbo lyomahogololo,’ osho a lombwele aatoolinkundana poshigongi shoonkundana.Kaapanda okwa ti opolisi oya kwata po nale aapiyaganeki yamwe yoongundu ndhika mbali na yamwe oya ningilwa nale iipotha.Opolisi oya li ya thiminikwa yi longithe olwithi lwomahodhi opo ya mweneke omahindathano pokati koSwapo na RDP pOutapi moSoondaha.Ota ku tiwa aayambidhidhi yoSwapo oya kondeke osheendo sho RDP manga sha li ta shi zi pOutapi konima yoshigongi.Ongundu yo Congress of Democracy COD na yo oya tseyitha kutya oya li ya mbandamekwa nokutilithwa mehulilo shiwike.Amushangandjai gwoCOD, Tsudao Gurirab okwa ti momushangwa kutya oSoondaha ongundu yaa, yambidhidhi yoSwapo oya halakanitha po oshigongi shiikonga yomahogololo gongundu ye po Aussenkehr muumbugantu woshilongo.Okwa gwedha ko ta ti omishangwa niilongitho yimwe yokuhwahwameka molwomahogololo yongundu ye oya yonagulwa po mOshakati oMaandaha. Ongundu ye oya tseyithile opolisi kombinga yiinima mbika.