Engel Nawatiseb oye ngaa Meya gwa Tsumeb

PETHIMBO lyokwiihogolela iilonga mElelo lyOndoolopa ya Shomeya, Elelolya Shomeya, moshigongi shalyo shomEtiyali lya zi ko, olya hogolulula Kaansela Engel Nawatiseb (Swapo) ongOmunashipundi gwElelo lya Shomeya na oye wo Meya gwOndoolopa ya Shomeya muule wOomwecdhi omulongonambali tadhi landula, ye Kaansela Shililifa Kaiy-Awene (Swapo) ta hogolululwa omupehameya gwa Shomeya.

Kaansela Linekela Shetekela (Swapo), oye a hogolululwa a ninge natango Omunashipundi gwOkomitiye ndjoka tayi lelitha iilonga mOndoolopa ya Shomeya pamwen nomupeha gwe Kaansela Maria Shangula (Swapo) ngoka a pingene po Kaansela Mathias Sipungu omanga Kaansela Daniel Nashidengo a ningi oshilyo gwedhwa yOkomitiye ndjika omanga Kaansela Renier van Zyl (Cod) na Kaansela Rodney Francis (UDF) ye li iilyo ya gwedhwa po mElelo lyOndoolopa ndjoka ya Shomeya.
Moshipopiwa she shokutaamba ko natango oshinakugwanithwa she shUumeya, Nawatiseb okwa pandula Ookaansela dhe sho dhi nan natango einekelo mu ye. Ashike okwe shi popi shuukilila kutya opu na aantu yamwe mboka inaye mu hala noya kala taya kembadha oku mu tikila nomatikilo kage li mondjila.
Ta ti ngashi omuntu gumwe gwedhina Indongo oye naanaa a kala ine mu hala nande nokwa kala ta
kembadhala okunyateka edhina lye pamikalo kehe ta vulu. Meya Nawatiseb ta ti kutya ngele ino hala omuntu nenge owa hala ehala ndjoka e na lyiilonga we li hala, inashi pumbiwa wu longithe omikalo dhifundja nokunyateka edhina lye, ninga ashike iikonga yoye nomahwahwameko goye
itaga itaga popile omuntu ngoka iifundja nokunyateka edhina lye.
Meya Nawatiseb ta indile kElelo loye li longele kumwe nawa noli itule mo miilonga yokuhumitha komeho Ondoolopa yawo ombwanawa ya Shomeya yi kale yi li pomuthika ngoka gwa pumbiwa paendolopa ngashi ndhoka dhOoshomeya. Ta ti Elelo oli shi lela okutala konima nosinu, unene tuu oku shi talela mOoprojeka odhindji n dhoka lya eta po nokumonena aantu yalyo ilonga.
‘Inatu kaleni twi ipyakidhila naamboka ya hala okuteyagula po, ihe tu ipyakidhileni naashoka tashi tungu Oshomeya yetweni noshigwana shamo,’ Nawatiseb ta ti ngawo nokukumika Ookaansela dhe dhi longe nuudhiginini noneitulomo enene lela opo Oshomeya sha Namutumba na Shikoto shi yambuke po.
Omalelo gOondoolopa ogendji moNamibia nago ogiihogololela nale pomahala giilonga nosha konekwa kutya ogendji oge li ashike ngashi ga kala muule womvula ndjika ya zi ko. Ngoka natango inagi ihogololela pomahala osha yela kutya nago oge li metifa lyoku shi ninga.