Endungiko lyaailongi pOvalo

M OSHIWIKE shika mOsikola yUungomba ya Valombola omwa li oshiithanene shi na sha nendungiko lyAailongi yomOshitopolwa sha Shana momaithano gi ili nogi ili shoka sha li sha egululwa pambelewa komupeviwiliki gwElongo mOshitopolwa sha Shana tate Immanuel Aipanda.

Oshiithanene shika ohashi ningwa momumvo kehe mOshitopolwa shElongo sha Shana noshowo mIitopolwa yilwe yElongo mOshilongo unene mOnooli, moka aailongi haya ndungikwa nkene ye na okukutha omaithano ngoka tage ya opalele. Pethimbo ta egulula pambelewa omaithano ngaka, Omupeviwiliki gwElongo moshitopolwa sha Shana Immanuel Aipanda okwa pandula ayehe mboka haya longekidha noya longekidha po oshiithanene shika shi na sha nendungiko momaithano gi ili nogi ili.Ta ti moshinima shika aailongi otaya ka mona mo uuyelele kombinga yomaithano ngoka ya hala okulandula.Taya ka mona wo uuyelele kombinga yiilonga, iimaliwa yokukiilongitha, ooloona noompito dhokukiilonga.Aipanda ta ti oshiithanene shika shonuumvo osha dhengambanda molwashoka osha ithana aalongwa oyendji yomOshitopolwa sha Shana, mwa kwatelwa naalongwa yomOngundu ontimugoyi, ya gwedha kwandjoka onti 10 nonti 12 ndhoka odho hadhi hiwa nale kwali.Oshinima shimwe, osho shoka kutya nuumvo negandjo lyuuyelele kombinga yomukithi gwoHIV-AIDS nalyo wo olya kwatelwa mo.”Itatu vulu nande okudhina oshili ndjoka yi li po kutya omukithi gwoHIV-AIDs otagu hepeke mOosikola dhetu noshowo mIilonga yEpangelo noyOmahangano gopaumwene.Onkee mboka taya gandja omauyelele kaailongi ya gandje wo uuyelele kuyo wu na sha nomukithi nguka omudhipagi gwo HIV-AIDS.”Aipanda ta ti ngaaka.Ta indila kaalongekidhi nokAawiliki yokOosikola kutya uuna taku ithanwa Oosikola dhi ye koshiithanene shika, kuhogololwe aailongi pamukalo gwa kwatela mo nawa okashikekookantu, opo uuyelele wu adhe ayehe.Kombinga yomukithi gwoHIV-AIDS, Aipanda okwa ti kutya yo mElongo oya ninga oshindji oku gu kondjitha.Ta ti oya tota po oongundu nooclapa moka aailongi taya uvithwa ko nkene omukithi gu na okukondjithwa.Omuwiliki gwElongo ta indile kOmahangano omanene ngashi UNICEF, UNESCO noFAWENA, ya kale ya sa oshimpwiyu opo aailongi yaakadhona ya kale ya yambulwa po nawa melongo opo ya nkondopalekwe.Tate Aipanda ta ti wo kutya aailongi naya tsuwe omukumo okuudhitha oofooloma dhOmaindilo gomatsikilo gOosikola dhOpombanda nodhomaindilo gIimaliwa yokwiilongitha.Ta indile nee kaagandji yomauyelele moshiithanene shika ya longithe ompito yawo nawa nokuyelithila kombinga yomaithano gi ili nogi ili.Ya yamukule nawa omapulo kehe moshinima.Aipanda ta ti oshigwana shoka oshigundjuka oshindji kashi na iilonga.Ta gandja uuyelele wa shangelwe mOshifo sho The Namibian sheti 22 Juni 2005, moka sha ti kutya Ooperesenda 41% dhaagundjuka moNamibia kadhi na iilonga.”Ndika eshongo enene kutseni atuheni, molwashoka aailongi yetu konima yOgrade 12, oye na ashike oompito ngashi, okutsikila neilongo lyopombanda, okukalonga pakathimbo nenge ta kalelele miilonga, ti ilongo pakathimbo nokukala miilonga yopakathimbo nenge ti ilongelele nokukala ta longelele nenge a kale ke na iilonga neilongo.Omolwaasho ano aailongi naya tsuwe omukumo yi ilonge ya mana mo.Ya kale ye na iishonekwa meilongo lyawo nokulonga nee nuudhiginini ye yi adhe.”Tate Aipanda ta ti ngaaka.Mboka nee ye yile okugandja omauyelele, oya zile kOmbaanga ya Namibia, mOvalombola, ko Telecom, ko UNAM, koNDF, kOpolisi ya Namibia, kOkomitiye yi na sha noHIV-AIDS mOshitopolwa sha Shana, kOshikondo shOohi sha Namibia, koNAMDEB, kOkolligi yAalongi ya Ngwediva noshowo INT University of Management.Oshiithanene osha li sha longekidhwa kUuministeli wElongo mOshitopolwa sha Shana.Pethimbo ta egulula pambelewa omaithano ngaka, Omupeviwiliki gwElongo moshitopolwa sha Shana Immanuel Aipanda okwa pandula ayehe mboka haya longekidha noya longekidha po oshiithanene shika shi na sha nendungiko momaithano gi ili nogi ili.Ta ti moshinima shika aailongi otaya ka mona mo uuyelele kombinga yomaithano ngoka ya hala okulandula.Taya ka mona wo uuyelele kombinga yiilonga, iimaliwa yokukiilongitha, ooloona noompito dhokukiilonga.Aipanda ta ti oshiithanene shika shonuumvo osha dhengambanda molwashoka osha ithana aalongwa oyendji yomOshitopolwa sha Shana, mwa kwatelwa naalongwa yomOngundu ontimugoyi, ya gwedha kwandjoka onti 10 nonti 12 ndhoka odho hadhi hiwa nale kwali.Oshinima shimwe, osho shoka kutya nuumvo negandjo lyuuyelele kombinga yomukithi gwoHIV-AIDS nalyo wo olya kwatelwa mo.”Itatu vulu nande okudhina oshili ndjoka yi li po kutya omukithi gwoHIV-AIDs otagu hepeke mOosikola dhetu noshowo mIilonga yEpangelo noyOmahangano gopaumwene.Onkee mboka taya gandja omauyelele kaailongi ya gandje wo uuyelele kuyo wu na sha nomukithi nguka omudhipagi gwo HIV-AIDS.”Aipanda ta ti ngaaka.Ta indila kaalongekidhi nokAawiliki yokOosikola kutya uuna taku ithanwa Oosikola dhi ye koshiithanene shika, kuhogololwe aailongi pamukalo gwa kwatela mo nawa okashikekookantu, opo uuyelele wu adhe ayehe.Kombinga yomukithi gwoHIV-AIDS, Aipanda okwa ti kutya yo mElongo oya ninga oshindji oku gu kondjitha.Ta ti oya tota po oongundu nooclapa moka aailongi taya uvithwa ko nkene omukithi gu na okukondjithwa.Omuwiliki gwElongo ta indile kOmahangano omanene ngashi UNICEF, UNESCO noFAWENA, ya kale ya sa oshimpwiyu opo aailongi yaakadhona ya kale ya yambulwa po nawa melongo opo ya nkondopalekwe.Tate Aipanda ta ti wo kutya aailongi naya tsuwe omukumo okuudhitha oofooloma dhOmaindilo gomatsikilo gOosikola dhOpombanda nodhomaindilo gIimaliwa yokwiilongitha.Ta indile nee kaagandji yomauyelele moshiithanene shika ya longithe ompito yawo nawa nokuyelithila kombinga yomaithano gi ili nogi ili.Ya yamukule nawa omapulo kehe moshinima.Aipanda ta ti oshigwana shoka oshigundjuka oshindji kashi na iilonga.Ta gandja uuyelele wa shangelwe mOshifo sho The Namibian sheti 22 Juni 2005, moka sha ti kutya Ooperesenda 41% dhaagundjuka moNamibia kadhi na iilonga.”Ndika eshongo enene kutseni atuheni, molwashoka aailongi yetu konima yOgrade 12, oye na ashike oompito ngashi, okutsikila neilongo lyopombanda, okukalonga pakathimbo nenge ta kalelele miilonga, ti ilongo pakathimbo nokukala miilonga yopakathimbo nenge ti ilongelele nokukala ta longelele nenge a kale ke na iilonga neilongo.Omolwaasho ano aailongi naya tsuwe omukumo yi ilonge ya mana mo.Ya kale ye na iishonekwa meilongo lyawo nokulonga nee nuudhiginini ye yi adhe.”Tate Aipanda ta ti ngaaka.Mboka nee ye yile okugandja omauyelele, oya zile kOmbaanga ya Namibia, mOvalombola, ko Telecom, ko UNAM, koNDF, kOpolisi ya Namibia, kOkomitiye yi na sha noHIV-AIDS mOshitopolwa sha Shana, kOshikondo shOohi sha Namibia, koNAMDEB, kOkolligi yAalongi ya Ngwediva noshowo INT University of Management.Oshiithanene osha li sha longekidhwa kUuministeli wElongo mOshitopolwa sha Shana.