Endola koyi yEfundja, ontopa oyi li moshiponga shokukungululwa po

pENDOLA E NDOLA oli li kohi yomeya gefundja nontopa ya Ndola oyi li moshiponga oshinene shokukungululwa po komeya ngele inapu ningwa sha yi popilwe meendelelo.

Efundja enene tali zilile ko Angola, olya adha Endola okupendukila Etiyali lyoshiwike shika nomagumbo kumwe nOositola, oondingosho nUufuleta, oyi li kohi yomeya, go wo omeya onkee taga matuka ga thinda mEndola moka notaga piti nale nokuli kombanda yondjila onene ya Ndola na Shakati lwopontopa ya Ndola mpoka. Ontopa nayo oyi li pokukungululwa po komeya.Omukuluntusikola kwali pOsikola Evatelo Combined School, ngoka wo oye e yi tota po nokuli, Veiko Hasheela, ota lombwele The Namibian kutya omeya gefundja ngaka oge li pokuteya po ekwatathano lyEndola nOshakati nosho wo nomikunda dhimwe ngele itapu endelelwa.Ota ti kutya komatango gEtitatu lyoshiwike shika, iihauto oya li ngaa tayi piti naantu yokoompadhi, ashike ohela ongula iihauto ngashi mbyoka ootuukala, kaya li we tayi piti po, omanga aantu yokolupadhi nayo wo sha kala oshidhigu kuyo okutaaguluka po.”Iihauto ashike mbyoka hayi nana akuhe tayi vulu okupita po ngashiingeyi,” Hasheela ta popi.”Ondi wete kutya otu li moshiponga oshinene, oshoka otashi ka kala oshidhigu kaanona okuya kOsikola okuza momikunda moka nokuya mEndola.Aakwanegongalo oyendji ohaya zi wo kombanda yoshana shoka shuudha omeya gefundja ngashingeyi nondi wete kutya oyendji otaya ka tetwa ko komeya.”Otu na wo Omuevangeliste gwetu tatekulu Andreas Namhweya a mana oondjenda dhe omasiku ngaka, e na okufumvikwa moshiwike shika, notu wete nee kutya otatu ka nana nuudhigu,” Hasheela ngoka wo e li gumwe gwomAakuluntu yEgongalo lya Ndola ta ti ngawo.Oositola pEndola mpoka, odhi li kohi yomeya.Uufleta mboka hau kala aalongisikola naanasikola yamwe mboka yokokule taya hiti osikola pOosikola dhopEndola mpoka, nawo ou li kohi yomeya.”Efundja ndika olye tu adha ombaadhilila okupendukila mEtiyali.Itandi longo sha we, ongalashe yandje ngashi wu yi wete ngeyi, oyi li koyi yomeya.Iihauto otayi dhama.Ya pumbwa okukananwa ko nembakumbaku,” Fanuel Ruben mwene gwOngalashe yedhina Fanuel Quick Service and Spare parts pEndola mpoka ta ti ngawo.Tate Polikarpus (Poli) Hango, ngoka e na oositola kOshakati nohe ya nee kOshakati ongula kehe okuza kEndola nokushuna ko komatango, ota ti kutya shampa ashike ontopa yawo ndjoka ya tewa po nokuvunyagulwa po komeya ngaka, nena otashi ka kala oshidhigu okuya nokuza kOshakati.”Iilonga oyi na okukankama nani ngele osho shi li ngeyi,” Hango ta ti ngawo.Meme Teresia Elifas Kambalanhu, omunangeshefa gwokulanditha onyama ombihu pamwe noomeme yalwe yomEndola, aluhe, ongula onene, ohaya yi kOshakati ya ka landithe onyama yawo pomatala ga Shakati.Naye ota ti kutya okuwete kutya ngele ontopa yawo oya yiwa nayo komeya gefundja ngaka, nena oongeshefa yawo yokukalanditha onyama kOshakati oya mwena po manga, shoka e wete kutya otashi ka shunitha pevi noonkondo iiyemo yawo yesiku kehe.mOmeya moka omu na oohi noontangu odhindji lela.Ashike nee, kakele koohi noontangu, omu na wo omayoka ga nika oshiponga.Omugundjuka gumwe e na onete yokukwata oohi noontangu pEndola mpoka, Mathias Weyulu, ota lombwele The Namibian kutya mEtitatu sho a li ta kwata oohi dhe moshana shopendola mpoka nonete ye, monete okwa ka adha mo eyoka lyelyadhila.Ashike lago enene olya li lya sa nale, ngeno iihuna ya kala po.Onkee taku kunkililwa kutya oonakukwata oohi naya kale ngaa ya takamitha, oshoka omeya nani oga etelela nomayoka.Omeya gefundja ngaka ge li kEndola oga thinda kOshakati, notaku tiwa kutya mOshakati otaga thiki mo nena nenge ngula mOlyomakaya.Otaku tiwa kutya natango omvula inayi pwa ko kegulu.Omalukanda gomOshakati, unene tuu ngashi Oneshila, Evululuko nOshoopala oge li nale kohi yomeya naakalimo oyendji oya tembuka mo.Ontopa nayo oyi li pokukungululwa po komeya.Omukuluntusikola kwali pOsikola Evatelo Combined School, ngoka wo oye e yi tota po nokuli, Veiko Hasheela, ota lombwele The Namibian kutya omeya gefundja ngaka oge li pokuteya po ekwatathano lyEndola nOshakati nosho wo nomikunda dhimwe ngele itapu endelelwa.Ota ti kutya komatango gEtitatu lyoshiwike shika, iihauto oya li ngaa tayi piti naantu yokoompadhi, ashike ohela ongula iihauto ngashi mbyoka ootuukala, kaya li we tayi piti po, omanga aantu yokolupadhi nayo wo sha kala oshidhigu kuyo okutaaguluka po.”Iihauto ashike mbyoka hayi nana akuhe tayi vulu okupita po ngashiingeyi,” Hasheela ta popi.”Ondi wete kutya otu li moshiponga oshinene, oshoka otashi ka kala oshidhigu kaanona okuya kOsikola okuza momikunda moka nokuya mEndola.Aakwanegongalo oyendji ohaya zi wo kombanda yoshana shoka shuudha omeya gefundja ngashingeyi nondi wete kutya oyendji otaya ka tetwa ko komeya.”Otu na wo Omuevangeliste gwetu tatekulu Andreas Namhweya a mana oondjenda dhe omasiku ngaka, e na okufumvikwa moshiwike shika, notu wete nee kutya otatu ka nana nuudhigu,” Hasheela ngoka wo e li gumwe gwomAakuluntu yEgongalo lya Ndola ta ti ngawo.Oositola pEndola mpoka, odhi li kohi yomeya.Uufleta mboka hau kala aalongisikola naanasikola yamwe mboka yokokule taya hiti osikola pOosikola dhopEndola mpoka, nawo ou li kohi yomeya.”Efundja ndika olye tu adha ombaadhilila okupendukila mEtiyali.Itandi longo sha we, ongalashe yandje ngashi wu yi wete ngeyi, oyi li koyi yomeya.Iihauto otayi dhama.Ya pumbwa okukananwa ko nembakumbaku,” Fanuel Ruben mwene gwOngalashe yedhina Fanuel Quick Service and Spare parts pEndola mpoka ta ti ngawo.Tate Polikarpus (Poli) Hango, ngoka e na oositola kOshakati nohe ya nee kOshakati ongula kehe okuza kEndola nokushuna ko komatango, ota ti kutya shampa ashike ontopa yawo ndjoka ya tewa po nokuvunyagulwa po komeya ngaka, nena otashi ka kala oshidhigu okuya nokuza kOshakati.”Iilonga oyi na okukankama nani ngele osho shi li ngeyi,” Hango ta ti ngawo.Meme Teresia Elifas Kambalanhu, omunangeshefa gwokulanditha onyama ombihu pamwe noomeme yalwe yomEndola, aluhe, ongula onene, ohaya yi kOshakati ya ka landithe onyama yawo pomatala ga Shakati.Naye ota ti kutya okuwete kutya ngele ontopa yawo oya yiwa nayo komeya gefundja ngaka, nena oongeshefa yawo yokukalanditha onyama kOshakati oya mwena po manga, shoka e wete kutya otashi ka shunitha pevi noonkondo iiyemo yawo yesiku kehe.mOmeya moka omu na oohi noontangu odhindji lela.Ashike nee, kakele koohi noontangu, omu na wo omayoka ga nika oshiponga.Omugundjuka gumwe e na onete yokukwata oohi noontangu pEndola mpoka, Mathias Weyulu, ota lombwele The Namibian kutya mEtitatu sho a li ta kwata oohi dhe moshana shopendola mpoka nonete ye, monete okwa ka adha mo eyoka lyelyadhila.Ashike lago enene olya li lya sa nale, ngeno iihuna ya kala po.Onkee taku kunkililwa kutya oonakukwata oohi naya kale ngaa ya takamitha, oshoka omeya nani oga etelela nomayoka.Omeya gefundja ngaka ge li kEndola oga thinda kOshakati, notaku tiwa kutya mOshakati otaga thiki mo nena nenge ngula mOlyomakaya.Otaku tiwa kutya natango omvula inayi pwa ko kegulu.Omalukanda gomOshakati, unene tuu ngashi Oneshila, Evululuko nOshoopala oge li nale kohi yomeya naakalimo oyendji oya tembuka mo.