Embo lyaahogololi olili mondjila

AAHOGOLOLI 1 181 835 oye na uuthemba wokuhogolola momahogololo gopauperesidende noshigongi shopashigwana metitano nolyomakaya, pahokololo lyoOkomisi yomahogololo yaNamibia.

Nonando okomisi oya zimine kutya embo lyaahogololi ka li lili mondjila lelalela, omukuluntu gwomahogololo, Moses Ndjarakana okwa, kwashilipaleke aatonateli yomahogololo yopaigwana kutya opena omikalo okusoshimpwiyu kutya omahogololo ngaka otaga kala ge li nawa noga manguluka, noshowo kutya otaga kala ge shi kwiinekelwa na oge li puuyelele.’Uuyuni auhe ka shishi oshipu opo embo lyaahogololi li kale lili nawa ooperesenda ethele nenge ooperesenda 101. Ndjarakana okwa popi sho a ulike komadhina gaantu mboka ya hulako ngoka natango ta ga adhika membo lyaahogololi, noshowo omadhina gaamboka taga adhika moka lwaali.Omiyalu dhembo ndika odha kala itaa dhi tsukumwe oku za pehulilo lyomaishangitho mu Septemba nuumvo.Omunashipundi shokomisi yomahogololo, Victor Tonchi okwa tile omwaalu gwembo ogwa londo sigo opaahogololi omiliona yimwe oshinkwanu ndatu, nokonima okwa opalekulula omupopyo gwe eta tula omwaalu ngoka pomiliona yimwe oshinkwanu yimwe hamano.Ekwatelokumwe lya pungulwa moka CD-rom kembo lyaahogololi ka li ka gandjwa koongundu dhopolitika omiyalu odha yooloka Sho othe Namibian ya tula kumwe omiyalu ndhika oya mono aahogololi 1 144 878 mboka yishangitha aashona nomwaalu gwaahogololi 36 957 okuyeleka nomwaalu ngoka gwa gandjwa ku Ndjarakana momaandaha.’Embo lyaahogololi lya hugunina lya kolekwa nolya shilipalekwa molwomahogololo ta geya oli na aahogololi ayehe yomwaalu 1 181 835,’ osho a koleke.Uumbapila hogololo oomiliona ndatu oshinkwanu mbali, 1, 6 wopauperesidende no miliona 1,6 woshigongi shopashigwana niipumbiwa yilwe yomahogololo oya tumwa nale osoondaha kohi yegameno lyopolisi kiitopolwa ayihe yoshilongo, Ndjarakana a tseyitha.Uumbapila owa li wa longelwa noku siikilwa kaaniilonga yokomisi yomahogololo kohi yetonatelo lyaakalelipo yoongundu dhopolitika ndhoka ta dhi kutha ombinga momahogololo.Uumbapila niilongitho yilwe ota yi katumwa komahala goku hogololela metitano.Ndjarakana okwa ti oongundu dhopolitika ota dhi vulu okutuma aatonateli yadho oyendji ngaashi tadhi vulu okutonatela omahogololo, noshowo okuyalula omawi.