UUMINISTELI wIimaliwa nOmbaanga yUuyuni oya shaina euvathano lyomukuli gwoodola dhAmerica oomiliona 7,5 oshiwike shayi.
Iimaliwa mbika oya nuninwa okukoleka elongo unene oshimpungu shedhina Eyopaleko lyoshitopolwa shelongo nedheulo [ETSIP].Omukuli nguka ogwo oshitopolwa sheuvathano lyokumona oshimaliwa sha hehelwa okuza koMbaanga yetungululo nehumokomeho yopaigwana ndjoka yi li oshitopolwa shOmbaanga Yuuyuni.Namibia okwa pelwe nale omukuli gwomwaalu gwa faathana nokwe gu shunitha nale.Omupevi minista gwiimaliwa, Calle Schlettwein okwa ti elalakano enene nolyotango lya ETSIP okuninga eendululo moshikondo shelongo okweetapo oonkatu ndhoka tadhi opaleke iizemo yomulandu gwelongo.Namibia okwa zimine okushunitha omukuli ngoka meni lyoomvula ndatu tadhi landula pondjele yiihohela yopaipindi.Schlettwein okwa ti omwaalu omushona moompumbwe dhoshilongo nokwa dhimbulutha mboka ya li peshaino kutya epangelo oha li longitha oshimaliwa oshindji moshikondo shelongo.Okwa ti nonando oshikondo shika ohashi pewa iimaliwa oyindji nosha mona omasindano geshi ku popiwa natango opwa pumbwa oku ningwa omalunduluko.Okwa ulike ishewe kutya, molwaashoka Namibia oku li mongundu yiilongo yina iiyemo yi li pokati, Ombaanga Yuuyuni ita yi vulu okupa oshilongo omikuli dhina ombiliha omolwa omuthika gwasho.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
