Elongitho lyondama ya Von Bach lya etele NWR iiyemo

EUVATHANO pokati kehangano lyaNamibia lyomahala gomafudhilo(NWR) nehangano lyedhina Tungeni Africa Investment ota li etele NWR oodola dha Namibia 120 000 komvula.

Ominista yOmudhingoloko me Netumbo Nandi Ndaitwa okwa lombwele oparliamende oshiwike sha yi.Euvathano pokati ka NWR na Tungeni Africa Investment olyuule woomvula 50 lyoku longela mehala ndika.’Nandi Ndaitwa okwa ti oomiliona ndatu odha futwa nale pethimbo lyeshaino lye uvathano ndika. Omwedhi kehe euvathano ndika oha li eta mo oodola 10 000 nenge oodola 120 000 komvula,’ Sho a gandja eyamukulo kepulo lyomutotimpango gwoCOD, Tsudao Gurirab kombinga yoshinima shika.Pa uvathano ndika NWR ota ka mona ooperesenda 10 komwedhi gwiiyemo mbyoka Tungeni ta kala ta mono uuna ehala ndika lya opalekululwa nolya tameke okulonga.Opwa tengenekwa kutya iiyemo otashi vulika yi kale poodola 250 000, oku yeleka nongashingeyi sho NWR ta kanitha iimaliwa okulongitha ehala ndi, Minista a ti.Pa uvathano ndika lya Tungeni na NWR iilongitho noshowo omaliko gepangelo kage na okulandithwa po , na ehangano ndika oli na okukutha ko oshinakugwanithwa shoku futa aaniilonga yopehala mpoka noshowo oku ya sila oshimpwiyu.Sho a pulwa ku Gurirab kombinga yehala lyomafudhilo lya Ais-Ais ndyoka opo lya opalekwa, Nandi-Ndaitwa okwa zimine kutya ondando yokuoopaleka oya londo pombanda sigo opoodola oomiliona 34 mwakwatelwa iihohela yokulanditha, omanga omwaalu gwotango okwoopaleka ehala ndika gwa li gwa thanekwa oomiliona 21, 5 adhike.Okwa dhimbulutha Gurirab kutya NWR oye ena oshinakugwanithwa sho ku opaleka omahala ge, na oye e na okufuta.Othe Namibian oya shangele pepandja lyotango omathimbo ga piti kombinga yiimaliwa mbyoka NWR a longitha oku opaleka ehala ndika, kutya oya mbalipala konyala. Shika osha ningwa molwaashoka ehangano ina li longa nomugandji mayele kombinga yiilonga.Naashika osha fala sigo oompoka kutya na ku longulula ehala ndika a kale konima niilonga mbika, nosha gwedha ko keindjipalo lyiimaliwa.