Elelo lyomithigululwakalo lyaVaalgras tali konakonwa

OKOMMISSI yokungambeka Uulingilingi [ACC] ota yi konakona omapopyo kombinga yuulingilingi melelo lyopankuluhedhi Lya Vaalgras muumbugantu woshilongo.Pahapu dhomuwiliki gwoACC, omusamane , Paulus Noa, ekonakono ota li ningwa kombinga yehokololo kutya opu na elongitho nayi lyiimaliwa yoodola 10 000.Iimaliwa mbika oyo omagano ga li ga gapewa elelo ndika noshowo galwe muumbugantu komutse gwoshilongo , Hifikepunye Pohamba noshowo iipambu iiyemo mbyoka ya zi momiyalu dhoohi ndhoka epangelo lyagandja kiitopolwa.

Oshifo shoThe Namibian oshi uvite kutya Pohamba mo 2007 okwa li a gandja oodola 10 000 kelelo lyopahedhi moshitopolwa sha Karas opo kunkondopekwe iiketha yoshigwana mbika.Mboka ta ya talwa omeho moshinima shika aniwa oyo omalenga, Joel Stephanus, Willem Louw nominista Yaagundjuka, Willem Konjore ngoka oye eli amushanga gwelelo lyopahedhi.\Noa okwa ti ekonakono ota li kambadhala oku mona kutya iimaliwa mbika oodola 10 000 oya longithwa ngiini noshowo okukonakona nkene iimaliwa mbyoka yazi koohi nayo woo ya longithwa..Noa okwa ti ngele mekonakono ndika opwa monika kutya opwa longwa uulingilingi niimaliwa mbika nena ota pa kakatukwa oonkatu.Omakonakono ngaka oga landula omanyenyeto ga zi kongundu yimwe yili kohi yelenga Daniel Apollus, ngoka a ti elelo lyopahedhi aniwa olya nyengwa okweeta omushangwahokololo komeho goshigwana.Pethimbo opo tuu mpoka oontamanana kombinga yetulomiilonga lyaawiliki pamuthigululwakalo olya fala sigo ometopoko mewiliko lyaaVaalgras.Ongundu ya Apollus oya indile aatseyimpango moVenduka opo ya indile ompangu yopombanda opo aawiliki mbaka ya kuthwe miilonga.Apollus okwa ti yo oya yi kompangu konima yo ku tsakanena noMinista yomagumbo omusamane, Jerry Ekandjo ngoka a nyengwa okupotokonona omukundu nguka.Yo oya li yahala minister, Ekandjo opo a tye, omalongekidho ngoka ga li ga ningwa po kage na oonkondo dhasha.Apollus okwa ti Ekandjo okwa li eya tsu omukumo opo ya popye nooyakwawo ya adhe epotokonono lyomukundu.Mbaka oya tile elenga Stephanus kalya li li na oonkondo okuulika aawiliki olyo alike.Ndele omusamane,Stephanus okwa ti ye oku na oonkondo okushininga, pampango yomuthigululwakalo.