Elelo lya Ndangwa lya keelela Omaulikilo mOndangwa

E LELO lya Ndangwa, pambalila yalyo ndjoka ya shainwa kOmunambelewa Omukuluntu gwopakathimbo, Paul Ndjodhi, olya lombwela Kansela mElelo lya Ndangwa Priskila Kauna Nashandi, ngoka e li Omunashipundi gwOkomitiye yOmaulikilo gOpaipind mOndangwa, kutya inaya ningila mo nande Omaulikilo gawo gOpaipindi mOndangwa, kaye na epitikilo lyElelo lya Ndangwa, otaya katukilwa onkatu kElelo.

Oshiwike sha zi ko, Okomitiye yOmaulikilo gOpaipindi oya tseyitha kutya Omaulikilo gaNdangwa otaga ka kala ko muule wethimbo twa thinda. Tayi tseyitha Osumina mEhuliloshiwike lya zi ko okukonga oshimaliwa shokulongekidha Omaulikilo gonuumvo.Osumina ndjika oya li yi na okukala mOshinyanga shAayehe mOluno mEtitano lya zi ko, konima sho Okomitiye ndjoka ya futu kElelo lya Ndangwa N510 opo ya longithe Osala ndjoka.Mombapila nee moka, ndjoka ya shangelwa omunashipundi gwOkomitiye ndjika yOmaulikilo gIipindi mOndangwa, meme Nashandi, kElelo lya Ndangwa mEtitano lya zi ko eti 13 Juli 2007, otayi lombwele meme Nashandi nongundu ye ngashi tashi landula mpaka; “Elelo lya Ndangwa olya kundana kutya mOndangwa omu na aantu yokangundu kontumba, ye li kohi yewiliko lyoye, taya kambadhala okulongekidha Omaulikilo gOpaipindi mOndangwa.Otwa hala nee tu ku lombwele wu lombwele aantu yoye kutya Elelo lyaNdangwa olya ninga etokolo kutya hamuntu ta ningile Omauliliko gOpaipindi meni lyondoolopa yaNdangwa kee na eziminino lyopamushangwa lya za kElelo lya Ndangwa.Omalongekidho agehe ngoka ge li po tamu ningi, gokuninga Omaulikilp gOpaipindi mOndangwa, inaga ziminwa kElelo lyaNdangwa.Onkee kage li paveta noge na okumwenekwa moompadhi oontalala ngashi tashi vulika,” Ombapila ndjoka tayi lombwele Nashandi nOkomitiye ye.Ompabila tayi tskile ko tayi ti, Elelo lyaNdangwa olya pewa oonkondo kOveta yOmalelo gOondoolopa yonomola 23 yomomumvo 1992, ngashi ya lundululwa olyo li kale tali lele Ondangwa nokuutha ayihe tayi ningilwa mo.”Onkee nee kombinga yoshinima shokuninga Omaulikilo gOpaipindi mOndangwa ngaka taga popiwa , Elelo lya Ndangwa kali na esiku limwe lya gandjele eziminino lyalyo moshinima shika shi ningilwe mOndangwa na otatu ku indile kumwe nongundu yoye, mu ikaleke kokule noshinima shika shaa li paveta,” Ombapila ndjoka tayi lombwele meme Nashandi ngawo.Kepulo meme Nashandi okwa lombwele The Namibian komatango gEtitano lya zi ko kutya, Ombapila ndjika oye yi mona, ashike yo oltaya yi komeho nomalongekidho gOmaulikilo ngaka gOpaipindi mOndangwa moka ngashi ye ga thaneka.Ta ti kutya oya li ngeno wo ya tuminwe Opolisi yi ya kankameke okuya komehoapu nOmaulikilo ngaka, ashike Opolisi oya ti yo itayi yi mo moshinima shika, sha nika shopaumwene.Ta tsikile ko ta ti, Elelo lya Ndangwa, meti 11 Juli 007, olye ya lombwela kutya inaya longitha nande Oshinyanga shAayehe shomOluno moka, moka ya li ye na okuningila Osumina yawo, ngashi ngaa ya li ye shi indilile kElelo noku ya futitha OoN510 kwali.Tashi ti Elelo lya li lye shi zimina nokutaamba iimaliwa mbyoka.Etitano ndyoka Nashandi ota ti kutya Osumina yawo otaye yi ningile kehala hoka taku ka ningilwa nenge haku ningilwa omaulikilo gOpaipndi, ano pOsenda Eudafano, pOfaabulika yOmagongo meni lyOndangwa tuu moka, nonande naahoka okwa tiwa kutya inaya ningila ko Osumina ndjoka noshowo Omaulikilo gOpaipindi.Naya tidhwe ko kooyene yehala ndjoka.Nashandi ngoka a li Meya Omukulu gwaNdangwa noku li ngashiingeyi natango Kansela mElelo moka, ota ti ke uvite ko oonkatu dhElelo lyawo lya Ndangwa.Ta ti etokolo oli ikwatelela ashike koondumbo, inaya hala shi oye ta wilike omaulikilo ngoka.Ta ti oku li Kansela mElelo moka, ndele uuna taku kundathanwa oshinima sha pamba Omaulikilo gIipindi mOndangwa, oha lombwelwa a ze mo mongula yawo ndjoka yiigongi.A ye manga pondje manga iilyo yilwe tayi kundathana oshinima shika.Ta ti, ka lombwelwa nee konima kutya oya kundathana shike, nenge oya tokola shike moshinima shoka shi na sha nomaulikilo gIipindi mOndangwa.Ongashi ashike a shangelwa ombapila kutya inaya ningila mo omaulikilo gIipindi mOndangwa moka.Nashandi ota ti kutya mEtitano lya zi ko, Elelo lya Ndangwa olya monene aayenda ya za koCanada yEhangano lya SOS, ndjoka lya uvaneka okupa Elelo lya Ndangwa Oodola dha Namibia Oomiliona 14, opo li tunge nokuhumitha komeho Osenda yUunona Uuthigwa naamboka wa mona iihuna mOndangwa moka.Ehangano olyo tuu ndjoka olya pe meme Nashandi Oshishani, ano Ombandi yUupenda sho a wilike nawa Ondoolopa ya Ndangwa omimvo dha zi ko.Sha ningwa mEtitano tuu moka komeho gOokaansela ayehe yElelo lya Ndangwa.Nashandi ota ti kutya uuyuni wopondje owu wete ko sho ha wilike nawa, ashike opu na mboka ye mu sila ondumbo mewiliko lye na oyo taye mu kondjitha ngawo miinima yi ili noyi ili nomoompito wo dhi ili nodhi ili.Nande ongawo meme Nashandi, kepulo, okwa ti nee kutya, nonande taya ningilwa oondjindikila ngawo kElelo lya Ndangwa, Omaulikilo gOpaipindi mOndangwa oge na ashike okuya komeho ngashi ga thanekwa.Tayi tseyitha Osumina mEhuliloshiwike lya zi ko okukonga oshimaliwa shokulongekidha Omaulikilo gonuumvo.Osumina ndjika oya li yi na okukala mOshinyanga shAayehe mOluno mEtitano lya zi ko, konima sho Okomitiye ndjoka ya futu kElelo lya Ndangwa N510 opo ya longithe Osala ndjoka.Mombapila nee moka, ndjoka ya shangelwa omunashipundi gwOkomitiye ndjika yOmaulikilo gIipindi mOndangwa, meme Nashandi, kElelo lya Ndangwa mEtitano lya zi ko eti 13 Juli 2007, otayi lombwele meme Nashandi nongundu ye ngashi tashi landula mpaka; “Elelo lya Ndangwa olya kundana kutya mOndangwa omu na aantu yokangundu kontumba, ye li kohi yewiliko lyoye, taya kambadhala okulongekidha Omaulikilo gOpaipindi mOndangwa.Otwa hala nee tu ku lombwele wu lombwele aantu yoye kutya Elelo lyaNdangwa olya ninga etokolo kutya hamuntu ta ningile Omauliliko gOpaipindi meni lyondoolopa yaNdangwa kee na eziminino lyopamushangwa lya za kElelo lya Ndangwa.Omalongekidho agehe ngoka ge li po tamu ningi, gokuninga Omaulikilp gOpaipindi mOndangwa, inaga ziminwa kElelo lyaNdangwa.Onkee kage li paveta noge na okumwenekwa moompadhi oontalala ngashi tashi vulika,” Ombapila ndjoka tayi lombwele Nashandi nOkomitiye ye.Ompabila tayi tskile ko tayi ti, Elelo lyaNdangwa olya pewa oonkondo kOveta yOmalelo gOondoolopa yonomola 23 yomomumvo 1992, ngashi ya lundululwa olyo li kale tali lele Ondangwa nokuutha ayihe tayi ningilwa mo.”Onkee nee kombinga yoshinima shokuninga Omaulikilo gOpaipindi mOndangwa ngaka taga popiwa , Elelo lya Ndangwa kali na esiku limwe lya gandjele eziminino lyalyo moshinima shika shi ningilwe mOndangwa na otatu ku indile kumwe nongundu yoye, mu ikaleke kokule noshinima shika shaa li paveta,” Ombapila ndjoka tayi lombwele meme Nashandi ngawo.Kepulo meme Nashandi okwa lombwele The Namibian komatango gEtitano lya zi ko kutya, Ombapila ndjika oye yi mona, ashike yo oltaya yi komeho nomalongekidho gOmaulikilo ngaka gOpaipindi mOndangwa moka ngashi ye ga thaneka.Ta ti kutya oya li ngeno wo ya tuminwe Opolisi yi ya kankameke okuya komehoapu nOmaulikilo ngaka, ashike Opolisi oya ti yo itayi yi mo moshinima shika, sha nika shopaumwene.Ta tsikile ko ta ti, Elelo lya Ndangwa, meti 11 Juli 007, olye ya lombwela kutya inaya longitha nande Oshinyanga shAayehe shomOluno moka, moka ya li ye na okuningila Osumina yawo, ngashi ngaa ya li ye shi indilile kElelo noku ya futitha OoN510 kwali.Tashi ti Elelo lya li lye shi zimina nokutaamba iimaliwa mbyoka.Etitano ndyoka Nashandi ota ti kutya Osumina yawo otaye yi ningile kehala hoka taku ka ningilwa nenge haku ningilwa omaulikilo gOpaipndi, ano pOsenda Eudafano, pOfaabulika yOmagongo meni lyOndangwa tuu moka, nonande naahoka okwa tiwa kutya inaya ningila ko Osumina ndjoka noshowo Omaulikilo gOpaipindi.Naya tidhwe ko kooyene yehala ndjoka.Nashandi ngoka a li Meya Omukulu gwaNdangwa noku li ngashiingeyi natango Kansela mElelo moka, ota ti ke uvite ko oonkatu dhElelo lyawo lya Ndangwa.Ta ti etokolo oli ikwatelela ashike koondumbo, inaya hala shi oye ta wilike omaulikilo ngoka.Ta ti oku li Kansela mElelo moka, ndele uuna taku kundathanwa oshinima sha pamba Omaulikilo gIipindi mOndangwa, oha lombwelwa a ze mo mongula yawo ndjoka yiigongi.A ye manga pondje manga iilyo yilwe tayi kundathana oshinima shika.Ta ti, ka lombwelwa nee konima kutya oya kundathana shike, nenge oya tokola shike moshinima shoka shi na sha nomaulikilo gIipindi mOndangwa.Ongashi ashike a shangelwa ombapila kutya inaya ningila mo omaulikilo gIipindi mOndangwa moka.Nashandi ota ti kutya mEtitano lya zi ko, Elelo lya Ndangwa olya monene aayenda ya za koCanada yEhangano lya SOS, ndjoka lya uvaneka okupa Elelo lya Ndangwa Oodola dha Namibia Oomiliona 14, opo li tunge nokuhumitha komeho Osenda yUunona Uuthigwa naamboka wa mona iihuna mOndangwa moka.Ehangano olyo tuu ndjoka olya pe meme Nashandi Oshishani, ano Ombandi yUupenda sho a wilike nawa Ondoolopa ya Ndangwa omimvo dha zi ko.Sha ningwa mEtitano tuu moka komeho gOokaansela ayehe yElelo lya Ndangwa.Nashandi ota ti kutya uuyuni wopondje owu wete ko sho ha wilike nawa, ashike opu na mboka ye mu sila ondumbo mewiliko lye na oyo taye mu kondjitha ngawo miinima yi ili noyi ili nomoompito wo dhi ili nodhi ili.Nande ongawo meme Nashandi, kepulo, okwa ti nee kutya, nonande taya ningilwa oondjindikila ngawo kElelo lya Ndangwa, Omaulikilo gOpaipindi mOndangwa oge na ashike okuya komeho ngashi ga thanekwa.