AANTU mboka taya ya hala okuninga oombashu mo Keetmanshoop otaya ka kala yu uvite uudhigu, molwashoka Elelo lyondoolopa ndjika olya kaleka egandjo lyoonzapo dhoka omuntu ha pewa uuna eindilo lye lyokutunga ombashu lya ziminwa.
Onzapo ndjika oyo hayi gandjwa tango manga omuntu ina pewa oliisinisa yombashu ye kOlaata yOoliisinisa dhOmalovu. Etokolo ndika lya Munio gwa Keetmanshoop olya ningwa nelelakano okukwatwa moshipala oshinima sheyopombanda lyoombashu mondoololopa ndjika, shoka taku popiwa kutya otashi eta elongithonayi lyomalovu, elongitho lyiingangamithi netaandelo lyomukithi gwo HIV-AIDS.
Etokolo ndika olya ningwa poshigongi shElelo lyondoolopa ndjika mEtiyali lyoshiwike shika. Pethimbo ndika, mo Keetmanshoop omu na oombashu dhi li 33 lwaampoka. Omasiku ngaka, omaindilo gaali gooliinisa dhoombshu odha li dha tindwa molwashoka, oonakuninga omaindilo kaye na oonzapo dha tumbulwa. Omukuluntu gwOpolisi moshitopolwa sha Karas, Komufala gwopevi Josepthat Abel, okwa ti ya okwa nyanyukilwa etokolo ndika lyElelo lyondoolopa. Okwa ti osha pumbiwa wo ku ngambekwe oowili dhokupatulula oombashu, dhoombashu dhoka dhi na ooliisinisa dhowina hashi kala dha putula sigo okoongulasha. ‘Shika otashi vulu okuningwa molwashoka omu na oshitopola mOveta yOmalovu,ndjoka tayi utha ngaaka,’ Abel ta popi ngaaka.’Okupoya oshili, iikulumuna oyindji ngashi omadhipago nomadhengo, ohayi ningi poombashu poowili dhongula,’ ta tsikile ko ngaaka. Okwa ti Opolisi otayi tsikila nokukonga mo oombashu dhoka hadhi patulula pondje yoowili dhoka dha uthwa.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
