Ekopi lyUuyuni ota li ya ku Namibia

EKOPI lyUuyuni, ndyoka kapu na oshilongo inashi hala oku li sindana – otali ka etwa mu Namibia momasiku 6 ga Novemba 2009. Otuula ndjika yEkopi lyUuyuni ya longekithwa kOkampani ya Coca Cola.

Okampani ya Coca Cola nOlutu lwetanga lyokoompadhi mUuyuni/Fifa, mEtitano olya zi ko oya li ya tseyitha nkene olweendo lwEkopi lyUuyuni tayi kala yatya. Ekopi ndika ota li ka enda miilongo ya konda po 50 muule womasiku 70.
Olweendo lwotango otalu tameke mu Igipiti momasiku 24 ga Septemba e ta lu k hulila mu Cape Ton (mu South Afrika) momasiku 3 ga Desemba 2009, okuya popepi nuudhano wEkopi lyUuyuni mboka tau ka kala moshilongo shika momumvo 2010.
Olweendo olutiyali otali ka tameka mu Januali sigo Apiilili 2010 na omasiku golweendo nduka inaga gandjwa natango.
Pethimbo lyotuula yEkopi lyUuyuni, aaholi yuudhano wetanga lyokoompadhi otaya ka mono nee ompito okumona Ekopi ndika.
‘Otuula yEkopi lyUuyuni ya longekidhwa ku Coca Cola otayi ka gandja ompito kAanamibia omauyuvi, ya popeni nEkopo,’ omuniilonga omukuluntu mu Coca Cola, Honest Marandu, osho a popi ngaaka.