Ekonakono kombinga yonyama yakangaroo

EWILIKONGUNDU lyootendela lyaNamibia pamwe naagandji yonyama moshilongo oya kumithwa konkundana kutya, onyama ndjoka hayi liwa moohostela dha Namibia oya tulwa mumwe nonyama yoshinamwenyo kangaroo.

Omunambelewa gumwe Muuministelio welongo okwa ti shika osha ningwa tashi kondjithathana niinakugwanithwa mbyoka ya tulwapo kewilikongundu lyootendela.Omusamane, Calle Schlettwein , amushanga mUuministeli Wiimaliwa , okwa ti ewilikongundu lyootendela ota li ka konakona oshinima shika shonyama yakangaroo tayi pewa aanasikola mboka ye li momihandjo.Okwa ti iipumbiwa yoteendela ndjika oya ukilila kombinga yaamboka ye na okugandja onyama kutya, onyama kehe taya gandja na yi kale ya za meni lyoshilongo.Otaku tiwa ehangano limwe ndyoka ha li gandja onyama kwaamboka haya telekele aanasikola olya eta mo onyama yakangaroo yootona 100,moNamibia, pahapu dhomundohotola gwiinamwenyo, mOtjiwarongo.Ombapila yokweetamo onyama ndjoka yi li miikaha yoThe Namibian oya koleke kutya Capital MeatCC okwa landa onyama okuza koAustralia kehangano Marco Meat.Ehangano Atlantic Food Services ndyoka hali gandja iikulya koohostela mOshana, Omusati,Ohangwena nOshikoto oha li landa wo onyama okuza kuCapital Meat.Metiyali omusamane, Trevor Morris gwa Atlantic Food services okwa ti, ka shi li nawa opo Capital Meat eya landithe onyama ya volonganithwa naandjoka yakangaroo .Ndele, Johan Burger gwaCapital Meat okwa ti kehe gumwe ngoka ha mono onyama kehangano lye okushishi kutya, pomathimbo gamwe iha ya kala nonyama yiikwakuti ya gwana..Burger okwa ti onyama ya kangaroo ohayi longithwa opo yi volonganithwe naandjoka yongombe ngele oya ondoka mokuninga onyama ndjoka ya kwewa.Okwa ti woo ehangano lye ohali landitha onyama kehangano lya Atlantic Food Services..Otendela yokugandja iikulya moohostela oya indika opo onyama ya za pondje yoshilongo yi longithwe mokupalutha aanasikola.Ota yi ti onyama ndjoka ta yi pewa aanasikola momihandjo nayi kale ya za meni lyoshilongo miitopolwa ayihe mpoka tashi vulika , no ngele onyama ndjika oya kwewa nena ndjika nayi kale onyama yongombe ayike nenge ngele hasho nayi kale yoshithitukuti.Otendela ndjika natango ota yi ti onyama yoshikwakuti nayi kale yomenye, oholongo, osino nenge yohumba.Burger okwa ti kashi shi oshiholekwa kutya onyama ya kangaroo ohayi landithwa kaalandi,na Morris okushishi kutya Capital Meat oha hoyakanitha ndjika pamwe nonyama ye ayihe.Okwa koleke kutya Capital Meat oha landitha onyama pondje nomeni lyoshilongo.Okwa ti ngele kapena onyama yagwana yiinamwenyo okuvongakanitha naandjoka yongombe nena oha longitha onyama yiiyamakuti ya za pondje opo eyitulemumwe noyongombe a shonopeke omagadhi ngoka geli monyaman yongombe.Morris okwa ti oku shishi kutya olundji onyama ohayi tulwa mumwe noyiiyamakuti ndele ka li eshi kutya mbika oyilwe yaashi oombyoka ya popiwa motendela.Ehangano lyaCapital Meat enene na mwene gwalyo oye Blaauwberg Meat.Nguka oye omulandi omunene gwonyama moSouth Africa nokuna ekwatathano noshikondo shonyama moNamibia.Morris okwa ti omihaka noshowo onyama ya kwewa ya Namibia oyina onyama oyindji yaNamibia.Okwa ti aataleli yelongo moNamibia oye na uuthemba okukonakona aagandji yonyama komihandjo ethimbo kehe naashika ohashi ningwa ethimbo alihe.Omundohotola gwiinamwenyo ,Alec Bishi okwa ti onyama yakangaroo oha yi landithwa ongo onyama ya kwewa na oya ta lika ko ongo onyama yoshinamwenyo.MuAguste 2009 ewiliko lyootendela olya pula opo li pewe omusholondondo gwaagandji ayehe yonyama koohostela moshilongo ashihe.Shika osha li sha ningwa oshoka opwa li enyenyeto ta li ti omahangano gamwe oga li taga landa onyama okuza pondje omanga otendela ta yi ti onyama ayihe nayi ze meni lyoshilongo.