Eindilo omasiku gomaishangitho ga gwedhelwe

EWAWA lyaagundjuka lyo NUDO olya indile Okomisi yomahogololo ya Namibia(ECN) opo yi lelepeke ethimbo lyomaishangitho gomahogololo, konima sho omaishangitho ga li ga tameke kwa toka oshiwike sha yi.

‘Ngele o ECN oya tameke ya tokelwa nomaishangitho oshike mbela ta shi tegelelwa pethimbo lyomahogololo gogene muNovomba?’ ewawa lyaagundjuka lya pula ngaaka momushangwa gwa nyolwa kuamushanga gwomoKhomas, Pro Laste Ngueumenga.Okwa ti omolwashika ewawa lyaagundjuka ota li indile opo ku gwedhelwe esiku limwe nenge gaali.’ECN oku na, oku kala ena omutima, oshoka oshinakugwanithwa she osho oku nyola aahogololi pethimbo noku ya nkondopeka, noku ya pa ompito opo ya gandje enwethemo lyomilandu dhonakuyiwa dhepangelo’, Ngueumenga a ti, ta gwedha ko kutya ongo olutu lwi ithikamena oECN ka yi na oku nwethwamo kiiningwanima ta yi zi pondje nenge oku nwethwamo koongundu oontitatu.Okwa ti ope na omapulo maaNamibia unene mboka aagundjuka naamboka ya valwa konima yemanguluko kutya ngele ‘omahogololo ngaka ota ga kala ga manguluka noge li pa uuyuuki, na ngele oECN ota yi vulu oku inekelwa oku za ngashingeyi nenge ahawe?’Osha simana oku tseya kutya okwaa, hakutha ombinga koongundu dhimwe momahogololo oku na omanwethemo ga simana.Ngele kehe gumwe okwa hogolola nena oonkondo dhomahogololo ota dhi tengunuka oku uka kwaamboka opo yi ishangitha ongaa hogololi aape moshigwana’ osho a gwedhapo ngaaka. OECN oya tile mosoondaha kutya iilonga yawo ayihe yomainyolitho gaahogololi oya li ta yi ende nawa, oku ya mehulilo shiwike ndyoka. Oya tile ota yi konakona kutya ekateko moku fala iipumbiwa komahala agehe goshilongo oya gumu ngiini omaishangitho miikandjohogololo.Ongundu kwatakanithi yoongundu dhopolitika pamwe noshikondo shomahogololo ota yi tsakanene oshiwike shika opo yi tale kutya oshike ta shi ningwa po.Shoka ta shi ka ningwa po ota shi ka kwatelamo ngiika oku tala ngele ota pa tumwa oongundu dha gwedhwa po dhaa shangi noshowo elandulathano lya shewa lyaashangi ndyoka li na okutumwa kiitopolwa mbyoka ya gumwa omanga, omasiku omilongo ndatu ga Septemba ina ga thika.