OMATHANEKO kutya Rosh Pinah okalando hoka ngashingeyi keli mepangelo lyomina otaka ningi oshilando shi ithikamena oga thikama itaa ga humu komeho natango.
Ota ku tiwa kutya ota shi vulika shi kuthe oomvula dhi li mbali lwaampoka opo ethaneko lyoku ninga Rosh Pinah oshilando li tulwe miilonga.Omuwiliki gwokulipo gwoshilando sha Rosh Skor, Callie van Heerden okwa lombwele oThe Namibian kutya ongundu ndjoka ta yi ningi omalongekidho ngaka ota yi ende kashona.Okwa ti omina oya pumbwa euvathano ndika opo yi li gandje kooyene yehangano opo ye li koleke.Omushangwa ogwa pumbiwa ishewe opo pu ta li ke kutya iilongitho ayihe mbyoka ehangano lya tunga pehala mpoka ota yi gu iimaliwa yithike peni.Okwa ti ope na woo uumbanda kutya pamwe epangelo ita li ka simaneka omauvathano ngoka Rosh Skor a koleke pamwe nomahangano gamwe, ngele otaga kala ngaa miilonga.Okwa ti oondando dhevi otadhi kala woo eipulo enene konima sho ehala ndika lya ningi oshilando.Okwa popi woo elimbililo lye kombinga yokuninga ehala ndika oshilando unene tuu konima ngele iilonga yokufula iiyela ya hulupo.Pethimbo ndika oshilando oshiikwatelela miilonga yomina opo shi hupe nokuya komeho. Epulo olyo ndika kutya ota pu ningwa shike ngele omina oya mana iilonga yawo.Onkalo yiilonga ya Rosh Pinah Zinc oyi na oomvula 15,omanga Skorpion Zinc Mine oyi na onkalo yiilonga yuule woomvula heyali.Amushanga takalele mUuministeli womagumbo niilando, Erastus Negonga okwa ti epangelo olya tegelela natango etokolo lyoo yene yehala ndika opo ya gandje ehala ndika pwaa na ofuto ya sha kepangelo.Okwa indile woo kehangano lyomina opo li yelithe ngele ota li ka ninga eindilo opo li pewe epitikilo okunenepeka iilonga yalyo yokumina.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
