OPENA okwaanombili pokamba yoontauki pOsire, konima yokutulwa pevi kwomulongi gumwe molwa omakwatathano gopaipala ga ningilwa aalongwa yamwe kaalongi yawo.
Okomittee yaakalimo pOsire oya nyolele aniwa ku Komufala gwoontauki gwiigwanahangano noshowo kOshikondo Shiikwameni y a ti otashi vulika aakalimo yomehala ndyoka ya ka tameke ta yiidhipaga ngele omunambelewa gwelongo pokamba ndjoka ina kuthwa miilonga. Omunambelewa, ngoka, Ndahafa Nambira ota lundilwa kutya oha wilike osikola yopevi yOsire ongo oshinima shopaumwene nopamukalo ngoka a niwa ota etapo etopoko mokati kaakalimo yomoSire.Omulongi ngoka eetitha pu kale puna ehilathano ooshoka shetulwopevi lya Robert Mukumbi mu Juni 2011, aniwa omolwa okudhanena aanona yosikola paihulo.Oshinima sha Mukumbi osha li woo sha lopotelwa ewiliko lyelongo moshito[polwa Otjozondjupa, ndele sho pwa ningilwe ekonakono lyoku mu vulikitha, naku lundilwa ngoka ka kwali a monika epuko.Nando ongawo ina pitikwa oku galukila kosikola.Mukumbi okwiitaala kutya omalundilo ngoka oga ha ningwa nelalakano oku mu kutha penongelo mpoka a longa ngashingeyi omimvo 18.Okwa ti ye okwa tala aanona mboka ha longo ongo aanona ye mwene.Ota ku tiwa ishewe aalongi yatatu oya tidhwa miilonga molwoku popila Mukumbi nawa. Omuwiliki gwokulipo gwoshikondo shelongo, Cornelia Araes-Shikulo okwa ti ye ita vulu oku tya sha omanga omukulunu gwelongo moshitopolwa shoka keepo. Aalongi mboka ha ya longo osikola pOsire ohaya futwa kepangelo lyaNamibia konyala oodola oomiliona mbali oshinkwanu ne omumvo kehe.,
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
