Ehangano lyomalovu lya South Africa ta li tungu ombuulaye pOkahandja

KONYALA oodola oomiliona 250 oya tegelelwa yi ye muNamibia, ngele ehangano lyokudhunga omalovu lya South Africa olya tungu ombuulae.

Ehangano lya SABMiller melongelokumwe nehangano lyaaNamibia lyedhina Onyewu Holdings Ltd olya pewa ombapila yo ku hanga omalovu moshilongo.Etungo lyombuulae ndjika ta shi vulika yi kale mOkahandja,oya tegelelwa oku tameka muDesemba nuumvo,nomalovu gotango go Castle Lager, no Black Label ga dhungwa mombuulae ndjika ota ga ka landithwa moNamibia momumvo 2011 pahokololo lya Samuel Jafet Victor gumwe gwaanangeshefa yaNamibia mboka ye na oshipambu mo SABMiller Namibia. Konyala aaniilonga 160 otaya ka longa mombuulae ndjika uuna iilonga yoku dhunga omalovu oya tamekeVictor omunashipundi shOnyewu Holdings ehangano lyaaNamibia ndyoka lya landa iipambuliko yoopelesenda omi 20 mehangano epe SABMiller NamibiaIipambuliko mbika yoopelesenda 20 oya topolelwa omahangano guukumwe giitopolwa, nelalakano okuyambula po aantu yopevi, iipambuliko yoopelesenda heyali ku kehe oya pewa iitopolwa Omaheke no Karas, omanga iitopolwa yokuumbangalantu ayihe kumwe ya pewa iipambuliko yoopelesenda hamano. Iitopolwa mbika ota yi tameke nale okumona uuwanawa wiipambuliko yawo shampa ashike ombuulae ya tameke okuhanga omalovu.Ota ya ka mona omiyalu ominene komvula kehe sigo ethimbo ndyoka ehangano ta li vulu okufuta oodividende,omuwiliki gwoSABMillerNamibia gwooprojeka niimaliwa, Garth Saunders a ti sho a lombwele oshifo sho The Namibian.Omuwiliki gwa Castle Brewing Namibia Cobus Bruwer na ye okwa koleke shika sho a ti ofuto ndjika ota yi gandjwa kutya nee ombuulae ota yi mono oshimaliwa nenge ahawe sigo ethimbo ndyoka sha monika kutya ngashingeyi oodividende ota dhi vulu okufutwa.Osha pula oonkundathana niilonga yuule womimvo ne opo ombapila yi monike nehangano lya SABMiller Namibia li thikame molupe ndoka li li po. Onyewu Holdings mokukonga omahewa mongeshefa oya popi na SABMiller mo 2004 nelalakano oku kwathela omudhungi gwomalovu nguka a vule oku mona ombapila yokudhunga moNamibia, Victor ta ti.’Shika ka shi ,shi okuhehela omuluudhe ngaashi sha tseyika poompito odhindji, tse aantu ashike ngaashi omuntu , kakele tse otwi itaala miilonga’Victor osho a popi ngaaka kombinga yongundu ye, mehangano lyawo Onyewu.Ehangano ndika olya thikama mooyene yahamano, Victor, Lyndon Gaidzanwa, Hendrik Dawids, Eliot Shimuafeni,Ndawedapo Luke Nepela na Andrew Kandjibi. Onyewu, osho ondjamba moshiherero, edhina lya longithwa okuulika kutya ‘otwa hala oku kala yamwe yo maa nene yatano,’Victor ta ti.Mo 2003 ehangano ndika olya landa iipambuliko yoopelesenda 26 moMondipak Namibia, no pamukalo nguka ya ningi yotango ta ya longele kumwe na Anglo American.Nena Onyewu oku na iipambuliko yoopelesenda omi 40 mehangano lya Mondi Pak.Ehangano ndika olyo wo ngashingeyi mwene gwomahangano Tube-O-Flex nosho wo ehangano lyokweenditha lya H&H.Onyewu ota kala ena oshipundi mewilikongundu lya SABMiller Namibia. Pahokololo lya Victor ehangano lye ota li kala nalyo li ompito okukala omunashipundi gwewiliko ngundu.Saunders okwa ti ngashingeyi sho ehangano lye li na ombapila yokudhunga omalovu shika otashi ningi omalovu galyo ga kale noondando oombwanawa noshowo ota li ka longitha omakende ngoka ha ga shunithwa.Kutya oshipambu shi thike peni ombuulae ndjika ta yi kala okulanditha ku sho moshilongo, shika oshili oshiholekwa kuSABMiller awike sigo oompaka.