Ehangano lyomalovu lya South Africa lya pewa ombapila yokudhunga

EHANGANO lyokudhunga omalovu(ombiila) lya South Africa lyedhina SABMiller olya ti, olya pewa ombapila opo li tameke okuhanga omalovu moNamibia.

Ombapila ndjika ota yi fala sigo oompoka kutya ngashingeyi SABMiller ota ka kondjithathana na Namibia Breweries mokudhunga omalovu.SABMiller okwa ti ota ka dhika oshidhungilo she moNamibia pehala ina li tseyikwa natango, ta shi pitile moshitayi shalyo, SABMiller Namibia.Ehangano lyokudhunga omalovu olya kala noku eta mo omalovu moshilongo muka okupitila mokampani ya Castle Brewing Namibia uule konyala woomvula omi 20. Olya ti oha li landitha konyala oopelesenda 22 momalanditho ga Namibia, ha li landitha iilongomwa ngaashi Castle Lager, Carling Black Label, Peroni Nastro,Azzuro no Castle lite.’Olya ti etokolo lya Namibia oku gandja ombapila yokuhanga omalovu oshinima oshinene mondjokonona, ‘oshoka otwa kala nokukonga uuthemba wokuhanga omalovu muka uule woomvula omulongo dha piti’ Cobus Bruwer, omukuluntu wiliki gwaCastle Brewing Namibia tati.Ehangano lyiikunwa lya Britania lyedhina Diageo naandyoka lyaHollanda lyedhina Heineken oga nkondopeke ekalepo lyago moSouth Africa no ga dhila ,dhila okudhikamo oshidhungilo, opo ga kondjithe SABMiller maandjawo.Diageo na Namibia Brewery Ltd oye na euvathano oku longela kumwe me andjaganeko lyiikunwa yawo muumbugantu wAfrica, pondje ya Namibia na South Africa. Diageo oye ta kala ena uuthemba wiilonga mbika ye landitho.Omwedhi gwa ziko Ompangu yopombanda moLondon oya gandja uuthemba kuSABMiller oku mweneka elalakano lya Diageo okulanda oshipambu mombuulaye ya Tanzania.