Ehangano lonyama laNamibia ledina Meat Corporation of Namibia (Meatco) ola tameka okukonga omukulunhuwiliki mupe konima ewilikongudu la tokola opo li yandje vali oshikakoilonga shipe shomukulunhuwiliki oo e li mombelewa paife, Mwilima Mushokabanji.
Ehangano lepangelo ola hoolola Patrick Liebenberg a ninge omukulunhuwiliki ta vatele oule weemwedi hamano, ile fiyo omukulunhuwiliki yeemwene ota kutwa.
Eshi oshe ya konima Meatco kwa li a pitifa nokuningulula omhito youkulunhuwiliki shaashi oshikakoilonga shaMushokabanji osha teelelika shi xule muJanuali.
Liebenberg, oo ta ka tameka mulotete laFebuluali, oku li omukulunhuwiliki woipumbiwa noinima oyo hai di koimuna.
Eshi okwa li sha kolekwa komunashipundi wewilikongudu Sakaria Nghikembua Etitano.
Omukulunhulu woinima ya pamba oiniwe yaMeatco Amorey Pote, Etine okwa koleka kutya omhito yoilonga okwa li ya pitifwa.
“Ohandi koleke kutya omukanda ou, ou li shili mondjila nokwa li u li kepandja loilonga laMeatco muDesemba, konima owa ka kufwa ko,” Osho a ti ngaho.
Omukulunhuwiliki okwa yukifa omapulo a wedwa po kuNghikembua, oo kwa li ina nyamukula nande omatumwalaka opangodi ile eengodi odo a dengelwa okudja Omaandaxa a dile ko.
Etitano la dja ko, okwa ti omutumbawiliki otau ka pitifwa omukanda diva.
Eshi a pulwa efiku kondadalunde, Nghikembua okwa ti: “Otashi dulika shi kale nena (Etitano) ile Omaandaxa.”
MuAuguste oThe Namibian okwa li ya lopota kutya Okabinete okwa li ka tya etokolo lokuhawedela oshikakoilonga shaMushokabanji lomutumbawiliki ka li li mondjila.
Ashike nee, omutumbawiliki woMeatco okwa li wa tya itau ka wedela nande oshikakoilonga eshi.
Pefimbo opo, hamushanga wOkabinete George Simataa aveshe naNghikembua okwa li va yukifa omapulo kuminista weliko Iipumbu Shiimi.
Eshi kwa li a pulwa kombinga yetokolo lOkabinete oshivike sha dja ko, Shiimi okwa li a tuma oThe Namibian komupopiliko woministili Wilson Shikoto.
Shikoto Etitano okwa li a endulula osho sha popilwe kuShiimi kutya oministili yeliko hayo nande tai dulu okupopya kombinga yomatokolo Okabinete.
“Oshikakoilonga shomhito yomukulunhuwiliki nekuto lomukulunhuwiliki otashi ungwaungwa nasho komutumbawiliki, nonghee nee keshe epulo kombinga yoshinima eshi nali ukifwe komukulunhuwiliki.”
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!