EHANGANO ndyoka ta li kalelepo oonakulwa aakulu ayehe nokuya kondjela olya dhikwa po ehuliloshiwike lyapiti moVenduka. Ehangano NamibiaNational Liberation Veterans Association [NNLV] olya dhikwapo konima yoshigongi pokati komahangano gaali goonakulwa aakulu omumvo gwayi.
Ehangano NNLV olya tulwa miilonga komuperesidende gwalyo, Leitenanda Ndjayi, Raonga Andima poUN Plaza moKatutura olyomakaya. Andima okwa ti molwaashoka oonakulwa aakulu oya li ye na omahangano gaali monakuziwa, osha li oshidhigu kuyo opo ya popye newi limwe.Omupevi peresidende gwehangano ndika, Alex Kamwi okwa ti omalalakano gehangano ndika ogo oku kalelapo uuwanawa woonakulwa aakulu, okukondjela oku hwepopeka onkalo yawo yo pankalathano noshowo pamahupilo mokweetapo iilonga mbyoka ta yi gandja iiyemo. Okwa ti ehangano ota li kondjele uukumwe paku longekidha omatsakaneno noshowo okutulapo oocluba dhopankalathano.Ota li kala woo noku kwatha nokuhwepopeka oonkalamwenyo yoonakulwa aakulu oku ya pa omakwatho gopaipumbiwa, pambepo, nopankalathano, koonakulwa yoyene nenge omazimo gawo uuna ye li mompumbwe..Oonakulwa oya tegelelwa okwiishangitha nehangano ndyoka. Konyala oonakulwa aakulu yeli 350 oya li poshigongi shoka ,mpoka woo pwa ulikwa aawiliki yehangano.Aawiliki yamwe oyo Ruusa Malulu omupevi peresidende omutiyali, yalwe oyo Aino Ntinda amushanga ndjayi,Philip Nambuli omupevi amushanga ndjayi, Nkrumah Mushelenga omukwatakanithi, Gideon Ishitile omupevi kwatakanithi, Elizabeth Kambanza omudhiginini gwiiniwe, Upahee Alphons Ngeama omupevi dhiginini gwiiniwe, Jacob Katjomi Shipwata omukuluntu gwelelo Rauha Amoomo omupevi kuluntu gwelelo.Iilyo mbyoka yaana oshinakugwanithwa shasha oyo Hamwandi Shilombwelua, Martin Nashandi, Martin Mkete, na Fransina Djulume.NNLV ehangano lya shangithwa nuuministeli wooNakulwa aakulu, na olina aakalelipo mewilikongundu lyoonakulwa aakulu.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
