Egumbo lya tatekulu Jacob mUuthilindindi lya pya po thilu

E GUMBO lya tatekulu Jacob Shikongo gwoomvula 67 gwomomukunda Uuthilindindi mUukwambi mOshitopolwa sha Shana, olya pi po thiluthilu ongula yOmaandaha ga zi ko komulilo, ngoka taku tiwa kutya, otashi vulika, gwa etwa kokalehite hoka ka thigwa mondunda ka tema.

Tatekulu Shikongo, ngoka a ti kutya megumbo lye moka oye li mo omulongo, oye mwene gwomukunda ngoka gwUuthilindindi. Molwashoka oye mwene gwomukunda, okwa kala wo negumbo enene lyoshimati nosha yela kutya omwa pila iinima oyindji lela shili.Ota ti sho lya pi ongula ndjoka ye okwa adhika a ya koshipangelo kOshakati, omanga omukulukadhi gwe meme Julia ya Johannes gwoomvula omilongohamano nayimwe, a adhika a ka egulula mo iimuna moshigunda, shoka shi li mepya, kokule kashona negumbo, omanga aanona yaa dhika ya ya kosikola.Meme Julia sho a mono omulilo gwa yeka, okwa kugu nokumatuka ngeno e ke gu dhime, ashike okwa adha gwa yeka nale gu li pombanda, gwa kwata nale koondunda odhindji nokiiti oyindji yegumbo.Aashiinda sho ya matuka nayo oya adha nale omulilo omunene itagu vulu okudhimwa noonyala.Omeya ngoka ga li po itaga vulu sha noya tala ko ashike tagu hanagula po egumbo thiluthilu.Kadhimamulilo ngoka a ithanwa okuza kOshakati, ookilometa 20 lwaampoka, okwa adha egumbo lya pya po nale alihe thiluthilu kumwe niinima yalyo mbyoka ya li moka.Lago enene inamu pila omuntu.Kombinga yiinamwenyo, omwa pila ashike aniwa okambishi kamwe.Ombinga ayihe yelugo lyomukulukadhi gwe meme Julia Johannes, gwoomvula omilongohamano nayimwe, oya pya po thiluthilu niinima ye ayihe.”Inandi hupa ko nasha.Oshikutu shika nda zala osho ashike nda hupa ko nasho,”meme Julia ta lombwele The Namibian ngawo.Tate Shikongo ota lombwele The Namibian kutya megumbo lye moka omwa li oondunda oonene dhOshiwambo dhi li 17 lwaampoka.Adhihe odha pya po kumwe niinima yadho mbyoka ya li mo.Omwa pila wo iilya mbyoka ya li miiyuma noshowo miimbale nomomandoloma.Oombete adhihe odha pila mo.Omakumbatha, oonguwo dhawo nodhaanona, oodokumende dhawo nodhaanona, omambo gosikola gaanona niikutu yawo yosikola noongaku.Ayihe oya pila mo, Iikwatelwa ayihe othilu.Omashina gatatu gokuhondja nago othilu.Iipundi 16 nIitaafula yawo, ayihe oya pila mo.Osikopa ye onenenene, ya kola, e yi landele nalenale nayo oya pila mo.Meni lyegumbo ndjoka lyomiti omwa li wo ondunda onene yiipeleki, nayo oya pya po thiluthilu.Oombiga, iimbale yokukwatela ya meme Julia niikwalugo ye ayihe oya pya po thiluthilu.”Tse ngashiingeyi otwa kulupa, katu longa we, na oshidhigu lela okweeta po ishewe ayihe mbyoka ya pya po ngeyi kumwe negumbo.Omiti noondunda otatu yi kutha we peni.Kakukewa we omiti.Itatu longo, opo ngeno tu ilandele ishewe iinima yetu mbyoka ya pya po, twe yi konga nuudhigu nonethimbo.Aawe, yakwetu, omulilo ogwe tu tula pomutenya thiluthilu notwa pumbwa aasihenda ye tu tondokele noku tu kwathela,” tatekulu Shikongo ta ti ngawo omanga a gongalelwa koshigwana shomomukunda gwe shoka she ya okutala shoka sha ningilwa omuwiliki gwasho komulilo.kOmusihenda ngoka a hala okukwathela tatekulu Shikongo negumbo lye muupyakadhi wawo mbuka, oto vulu oku mu dhengela kongodhi ye ndjika 0813356617.Kansela gwawo Aram Martin, oku li kOkongresa yoSwapo kOvenduka.Molwashoka oye mwene gwomukunda, okwa kala wo negumbo enene lyoshimati nosha yela kutya omwa pila iinima oyindji lela shili.Ota ti sho lya pi ongula ndjoka ye okwa adhika a ya koshipangelo kOshakati, omanga omukulukadhi gwe meme Julia ya Johannes gwoomvula omilongohamano nayimwe, a adhika a ka egulula mo iimuna moshigunda, shoka shi li mepya, kokule kashona negumbo, omanga aanona yaa dhika ya ya kosikola.Meme Julia sho a mono omulilo gwa yeka, okwa kugu nokumatuka ngeno e ke gu dhime, ashike okwa adha gwa yeka nale gu li pombanda, gwa kwata nale koondunda odhindji nokiiti oyindji yegumbo.Aashiinda sho ya matuka nayo oya adha nale omulilo omunene itagu vulu okudhimwa noonyala.Omeya ngoka ga li po itaga vulu sha noya tala ko ashike tagu hanagula po egumbo thiluthilu.Kadhimamulilo ngoka a ithanwa okuza kOshakati, ookilometa 20 lwaampoka, okwa adha egumbo lya pya po nale alihe thiluthilu kumwe niinima yalyo mbyoka ya li moka.Lago enene inamu pila omuntu.Kombinga yiinamwenyo, omwa pila ashike aniwa okambishi kamwe.Ombinga ayihe yelugo lyomukulukadhi gwe meme Julia Johannes, gwoomvula omilongohamano nayimwe, oya pya po thiluthilu niinima ye ayihe.”Inandi hupa ko nasha.Oshikutu shika nda zala osho ashike nda hupa ko nasho,”meme Julia ta lombwele The Namibian ngawo.Tate Shikongo ota lombwele The Namibian kutya megumbo lye moka omwa li oondunda oonene dhOshiwambo dhi li 17 lwaampoka.Adhihe odha pya po kumwe niinima yadho mbyoka ya li mo.Omwa pila wo iilya mbyoka ya li miiyuma noshowo miimbale nomomandoloma.Oombete adhihe odha pila mo.Omakumbatha, oonguwo dhawo nodhaanona, oodokumende dhawo nodhaanona, omambo gosikola gaanona niikutu yawo yosikola noongaku.Ayihe oya pila mo, Iikwatelwa ayihe othilu.Omashina gatatu gokuhondja nago othilu.Iipundi 16 nIitaafula yawo, ayihe oya pila mo.Osikopa ye onenenene, ya kola, e yi landele nalenale nayo oya pila mo.Meni lyegumbo ndjoka lyomiti omwa li wo ondunda onene yiipeleki, nayo oya pya po thiluthilu.Oombiga, iimbale yokukwatela ya meme Julia niikwalugo ye ayihe oya pya po thiluthilu.”Tse ngashiingeyi otwa kulupa, katu longa we, na oshidhigu lela okweeta po ishewe ayihe mbyoka ya pya po ngeyi kumwe negumbo.Omiti noondunda otatu yi kutha we peni.Kakukewa we omiti.Itatu longo, opo ngeno tu ilandele ishewe iinima yetu mbyoka ya pya po, twe yi konga nuudhigu nonethimbo.Aawe, yakwetu, omulilo ogwe tu tula pomutenya thiluthilu notwa pumbwa aasihenda ye tu tondokele noku tu kwathela,” tatekulu Shikongo ta ti ngawo omanga a gongalelwa koshigwana shomomukunda gwe shoka she ya okutala shoka sha ningilwa omuwiliki gwasho komulilo.kOmusihenda ngoka a hala okukwathela tatekulu Shikongo negumbo lye muupyakadhi wawo mbuka, oto vulu oku mu dhengela kongodhi ye ndjika 0813356617.Kansela gwawo Aram Martin, oku li kOkongresa yoSwapo kOvenduka.