Egumbo lya meme Hambeleleni lya gwa po komeya

O MVULA oya kala tayi loko noonkondo mOnooli nomagumbo gamwe, mwa kwatelwa lya meme Hambeleleni Petrus mOnalunike mOndonga mOshitopolwa sha Shikoto olya gwapo alihe komvula odhigu ndjoka ya loko moshitopolwa shawo shoka muule woshiwike sha zi ko.

“Ondi na uupyakadhi wegumbo lyandje lya kungululwa po komeya govula. Oondunda dhandje adhihe odha teka po.Omwa thigala ashike ondunda yimwe yoshipeleki, na omo twa hupila moka nomumwandje, ashike otwa hupila mo tu li nee momeya omadhigu,”meme Hambeleleni ta ti ngawo nokutsikila ko ta ti kutya kamu na shoka sha hupa mo.Iinima yuunona ayihe oya ya kohi yomeya, kohi yomakuma hoka.Kombinga yiikulya meme Hambeleleni ota ti kutya , oshigandhi oshi li kohi yomeya.Kaye na shoka taya li we.Iinima yuunona ngashi omabo gosikola inapu hupa sha.Ta ti kutya omvula ndjoka ye ya loka okupendukila Osoondaha yeti 19 Fabuluali 2006, oya li onene noonkondo noye ya thiminike ya ze po mpoka pwa li egumbo lyawo.Ashike naampoka ya ka tula oshipeleki, omeya oge ya landulila po.”Otwa ka lopotele ngaa ku Kansela gwetu, ashike sigo onena inatu mona ekwatho.Onkee kandi wete kutya ondi na okuninga ngiini.Onda pumbwa ekwatho,”meme Hambeleleni ta ti ngawo.Oondunda dhandje adhihe odha teka po.Omwa thigala ashike ondunda yimwe yoshipeleki, na omo twa hupila moka nomumwandje, ashike otwa hupila mo tu li nee momeya omadhigu,”meme Hambeleleni ta ti ngawo nokutsikila ko ta ti kutya kamu na shoka sha hupa mo.Iinima yuunona ayihe oya ya kohi yomeya, kohi yomakuma hoka.Kombinga yiikulya meme Hambeleleni ota ti kutya , oshigandhi oshi li kohi yomeya.Kaye na shoka taya li we.Iinima yuunona ngashi omabo gosikola inapu hupa sha.Ta ti kutya omvula ndjoka ye ya loka okupendukila Osoondaha yeti 19 Fabuluali 2006, oya li onene noonkondo noye ya thiminike ya ze po mpoka pwa li egumbo lyawo.Ashike naampoka ya ka tula oshipeleki, omeya oge ya landulila po.”Otwa ka lopotele ngaa ku Kansela gwetu, ashike sigo onena inatu mona ekwatho.Onkee kandi wete kutya ondi na okuninga ngiini.Onda pumbwa ekwatho,”meme Hambeleleni ta ti ngawo.