ONKUNDANA ye tu zilila momukunda Uukwanambembe mUukwaluudhi moMusati, otayi ti kutya egumbo lya kuku Beatha Shivute, a tseyika nawa nedhina Gwaamwaandi olya pi po komulilo ongula onene yOsoondaha yeti 13 Septemba 2009.
Otaku tiwa kutya omulilo, gwa fike po thiluthilu ongulu ye yomala gahamano, ogwa etwa kokalehite hoka ka thigwa ina kadhimwa sho aakalimo ya ka lala okupendukila ongula yOsoondaha ndjoka.Ashike kuku Gwaamwaandi ota pandula Kalunga ke oshoka inamu pila omuntu.Ota indile nee koshigwana nokaasihenda ayehe ye mu kwathele muupyakadhi mbuka, Ngoka nee wu na etokolo lyo kwathela,dhengela kongodhi 0812928177 nenge 0814411555.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
