NGOLONEYA gwa Karas okwa gandja elombwelo kutya ewilikongundu lyokugandja oombapila dhokulanditha omalovu nali mwenepo manga.
Bernardus Swartbooi okwa ti inapa gandjwa we manga oombapila oompe koondingosho dhokulanditha iikolitha. Okwa gandja ishewe elombwelo kutya opolisi na yi keelele elanditho lyiikolitha moSoondaha. Okwa ti ngele aaindili yombapila dhokulanditha omalovu oya hala okuholola omadhiladhilo, shoka ota ya vulu okushininga pombelewa nenge otaya vulu oku tuma enyenyeto lyawo komu Peresidende. Okwa dhimbulutha aakalimo yomoshitopolwa shaKaras kutya oSwapo ina yi mangulula oshilongo opo shikale nokulanditha nokulongitha omalovu sha pitilila ngoka taga ngoka taga yona gulapo oshilongo. Molyomakaya goshiwike shayi Swartbooi okwa li a edhile okadiina kopolisi hoka haka wilikwa ketanga lyegameno. Okwa li a ti ehala ndyoka ohali kudhile noonkondo. Metitatu opwa li pwa monika iilyo yetanga lyegameno ta yi helula iilandithomwa pokadiina mpoka popepi nosasiona yopolisi. Onkambadhala okuuva ngele haka otaka longo natango okuza ku komufala gwopolisi gwoshitopolwa ina dhi pondola sha, oshoka komufala Josephat Abel okwa li moshigongi. Swartbooi okwa lombwele woo opolisi opo yi ngambeke einyengo lyaanona yosikola uusiku sigo opotundi ontimilongo mbali nayimwe.Ngoloneya gwoshitopolwa sha Karas okwa indile koshigwana shaamoka opo shi longele kumwe opo oshitopolwa shika shihume nawa komeho noshikoke pamahupilo nopa liko unene tuu sho osho shimwe shiitopolwa yina uuyamba owindji moshilongo ndele oshina aantu ya hepa noonkondo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
