Egandjo lyomayakulo koshigwana ta li ka upikwa

AAKWASHIGWANA ota ya ka tegelela omayakulo ge li nawa noga ndjanga oku za kepangelo lyawo.

Omayakulo otaga ka kala ga ndjanga nota ga nyanyudha sha landula ke tulo miilonga lyomulandu gwewiliko ngoka gu na sha noku tala nkene omuniilonga kehe ta longo oshimpungu she miilonga, yeyakulo lyoshigwana.Omulandu nguka ohagu ithanwa melaka lyokohi yomeya (Performance Management System)[PMS] Omulandu ta gu tala nkene omuniilonga kehe eli meyakulo lyoshigwana ta longo okuyakula omuntu, omuyakulwa.Pethimbo omulandu ta gu tulwa miilonga Ominista Onkuluntu omusamane, Nahas Angula okwa tsu omuthindo kutya ehumokomeho lyevi lyomapendafule ota li ka enda nuupu ngele aayakuli neyakulo lyoshigwana ota li mbilipaleke aayakulwa ethimbo kehe.’Oli na okuningwa nawa nopethimbo olyo tuu ndyoka oku na okutalika kutya ota li kutha po shithike peni mondjato yepangelo molupe lwoshimaliwa,opo pu ngambekwe ehepeko.Omulandu nguka otagu lolwa mooministeli dhi li hamano, elalakano olyo okweeta po omukalo omupu ngoka gwa tula po iipumbiwa ya yela kutya oshike sha tegelelwa komuniilonga kehe meyakulo lye.Okwa tegelelwa omulandu nguka gu kale gwa tulwa miilonga ooperesenda 50 mooministeli adhihe dhepangelo nooperesenda 75 dhomapangelo giitopolwa.Angula okwa ti ngele epangelo oha li longitha konyala oobiliona dhoodola 12 komumvo moka oodola oobiliona 4 hadhi longithwa mokutunga po iipumbiwa nena opu na okukala pe na iizemo yi iwetikile.’Angula okwa shongo aawiliki yiikondo yepangelo opo ya longe nawa okwoopaleka omuthika gwoshilongo mombinga yethigathano muuyuni.Ngashingeyi Namibia okuli pondondo onti 74 mokati kiilongo 133 muuyuni pashiyelekitho shethigathano.Angula okwa ti okwa hala okumona Namibia eli mongundu yiilongo yotango 50 muuyuni pamuthika gwethigatathano, shika okwa indile shi longwe nokwaadhika muule woomvula ntano ta dhi landula.Okwa ti manga oshilongo shina omishangwa dhasho dha yela kombinga yoondjodhi dhasho , ngaashi omathaneko gehumokomeho omatitatu, ondjodhi yokomimvo 2030 noshowo oondungethaneko oonkwawo nena kapena nande eipopilo kutya omolwashike oshilongo itaashi humu komeho, ngele shika ina shi ningwa nena ota shi vulu okufatululwa kokwaashi iilonga nenge kokwaana ehalo okutula oondungethaneko ndhika miilonga.’Oondjodhi opo dhi li na iiyenditho okwaadha oondjodhi ndhoka opo yi li.’Okwa ti nkene ta ku thikwa kethikilo lyomayagumo ngaka ota shi ningwa okupitila moku tala noku konenena nkene omuniilonga kehe ta gwanitha po shoka e na oku ninga.Pethimbo lye tulo miilonga lyewiliko ndika, amushanga gwoKabinete, Frans Kapofi okwa koleke omauvathano gewiliko ndika epe nooamushanga taya kalele yooministeli ndatu dhomuhamano ndhoka dhi li momalolelo gomulandu nguka.’Ita shi kala we iilonga ngaashi hayi longwa esiku kehe oku za mpaka. Aawiliki yoshilongo papolitika oye tu pe ondjila nosheenditho nkene tatu thiki hoka.Oshigwana inashi panda nkene hatu longo ngashingeyi. Onkene ita tu vulu oku kala twa nyengwa mwaashika,’ Kapofi ta ti.Sho a popi nomuthindo kombinga yokuyelekwa miilonga yesiku kehe, Angula okwa londodha kutya eitaalo kutya omuniilonga gwoshigwana ita vulu okutidhwa olya sa, oshoka ngele omuniilonga okwa yelekwa ndele pashiyelekitho shokulonga kwe okwandopa okulonga nawa nena ota etwa komeho gongundu yokupula kutya omolwashike inaa ninga oshinakugwanithwa she na ota shi vulika pu gandjwe ethaneko kutya na kuthwe oshinakugwanithwa shika ye a tumwe kegumbo oshoka iilonga ite yi vulu.Sha hala okutya ngoka itaa gwanitha po shoka a tegelelwa a ninge pondondo mpoka e li ota tidhwa pwaana omaongaongo.’Ndika euvaneko lya manamo onkene kehe gumwe ne li taleko ngaashi lili,’ Angula ta londodha.