MAPUTO – Epangelo lya Mozambique olya popi kutya omvula onene oya dhipaga aantu ye li omulongo nomugoyi muule womasiku omashona ga piti po na efundja edhigu otashi vulika natango li li mondjila.
Jose Domingos, ha longo mOshikondo shomaudhigu gopauntshitwe okwa ti oyendji yomwaamboka ya si oya si manga ya li taya kambadhala okutokola omulonga gu udha omeya moshtopolwa sha Manica.
Okwa ti aantu omayuvi oya monenwa omahala gokukala mOsenda yOmakwathelo gopaulumompumbwe. Oondjila moshitopolwa sha Manica itashi vulu aniwa okweendwa.
Otelevisi ya Mozambique oya li yu ulike omathano gaantu taya kambadhala okutaaguluka omulonga gwa Mweri, ye na iinguma yawo niinamwenyo yomomagumbo yawo.
Iiwike iyali ya piti, aantu ye li yane oya si komeya gefundja omanga ye li 1 000 ya thigi po omagumbo gawo moshitopolwa shokomunkulofuta.
Epangelo oli na uumbanda kutya molwashoka omvula moshilongo otayi tsikile, otashi vulika efundja olindji li li mondjila. – Nampa-AP
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
