Efumviko lya etitha omaso gaantu 4

A ANTU yane oya si omanga ye li omilingo mbali ya pangwa konima sho omukithi omupe gwokolela nosho wo omikithi dhilwe dhoshimela dha holoka moshitopolowa sha Ohangwena omasiku ga zi ko.

Amushanga Omukuluntu mUuministeli wUuhaku nOnkalonawa Kalumbi Shangula okwa koleke ngeyi kutya iyali yomiiponga mbyoka oya holoka pokati komasiku 3 Apilili nEtiyali lyoshiwike shika oya kolekwa kutya oyo okolela. Oshatameke konima sho omukalimo gumwe gwomomukunda Onaame popepi nOkakilinika pOkatope a si momasiku 3 Apilili nuumvo.Okwa li a fumvikwa momasiku 7 Apilili.Yamwe yomaalilasa ye yamwe oya li ya zi koshitopolwa sha Cunene mu Angola ngaashi koXangongo nOndjiva.Okwa li kwa kolekwa kutya miitopolwa mbyoka omwa monika omukithi geokolela,” Shangula ta popi ngaaka.Ta ti pamuthigululwakalo, aalilasa ohayi iyogo moshiyaha shimwe okuza komawendo nomukithi nguka opo nee gwa monene mpito mpoka okutaandela mokati kaantu mboka ya li mpoka.Momasiku 5 ga Apilili, omukulukadhi gwa nakusa pamwe nayakwawo yalwe omulongo nayane (14) oya kwatwa koshimela e taya ka pangwa kOkakilinika pOkatope nokutumwa komagumbo esiku tuu ndyoka.Aalilasa yalwe ye li omulongo nomugoyi (19) mboka ya li poshithi fumviko shoka oya li ya kwatwa kuuwehame nokupangwa poshipangelo pEngela moshitopolowa shoka.Aantu yahetatu yomaantu mboka 19 oya pangwa etaya shuna komagumbo omanga ye li omulongo nagumwe (11) ya taambelwa moombete dhoshipangelo shoka.Yatatu yomaantu mboka oha hulitha.mEtiyali, okwa kolekwa kutya omuntu omutine okwa si komukithi ngoka.Shangula ta ti ombelewa yawo yopashitopolwa oya tameka nale okuninga iikonga yokugandja uuyelele moshigwana kombinga yendwafuko lyomukithi nguka.Momahala moka aantu haya yogo omake gawo moshiyaha shimwe konima yefumviko, otaya ka pewa uuyelele kombinga ya nkene ye na okuyanda omukithi nguka.Oshinima shika otashi vulu okutaandelitha omukithi moshigwana.Oshigwana otashi indilwa opo shi longithe omukalo gwokwiitsimpula komake konima ngele shi iyogo moshiyaha shaayehe konima yefimviko,” ta popi ishewe ngaaka.Shangula ta ti onkalo yoli natango mokondolola nokwa indile oshigwana kaashi ngwangwane.Pokati ka Desemba na Januali, okwa li kwa lopotwa aantu yalwe ya si komukithi gwokolela moshitopolowa sha Kunene.Okolela ohay zi unene momeya ge na ombakiteli yedhina Vibrio cholera.Omandhindiliko omanene gomukithi nguka ogo oshimela shomeya nosho wo ekanitho lyomeya molutu.Ngele omuntu ngoka e na omukiti nguka ina mona epango muule woowili omilongo mbali nane, otavu oku sa nuupu.Oshatameke konima sho omukalimo gumwe gwomomukunda Onaame popepi nOkakilinika pOkatope a si momasiku 3 Apilili nuumvo.Okwa li a fumvikwa momasiku 7 Apilili.Yamwe yomaalilasa ye yamwe oya li ya zi koshitopolwa sha Cunene mu Angola ngaashi koXangongo nOndjiva.Okwa li kwa kolekwa kutya miitopolwa mbyoka omwa monika omukithi geokolela,” Shangula ta popi ngaaka.Ta ti pamuthigululwakalo, aalilasa ohayi iyogo moshiyaha shimwe okuza komawendo nomukithi nguka opo nee gwa monene mpito mpoka okutaandela mokati kaantu mboka ya li mpoka.Momasiku 5 ga Apilili, omukulukadhi gwa nakusa pamwe nayakwawo yalwe omulongo nayane (14) oya kwatwa koshimela e taya ka pangwa kOkakilinika pOkatope nokutumwa komagumbo esiku tuu ndyoka.Aalilasa yalwe ye li omulongo nomugoyi (19) mboka ya li poshithi fumviko shoka oya li ya kwatwa kuuwehame nokupangwa poshipangelo pEngela moshitopolowa shoka.Aantu yahetatu yomaantu mboka 19 oya pangwa etaya shuna komagumbo omanga ye li omulongo nagumwe (11) ya taambelwa moombete dhoshipangelo shoka.Yatatu yomaantu mboka oha hulitha.mEtiyali, okwa kolekwa kutya omuntu omutine okwa si komukithi ngoka.Shangula ta ti ombelewa yawo yopashitopolwa oya tameka nale okuninga iikonga yokugandja uuyelele moshigwana kombinga yendwafuko lyomukithi nguka.Momahala moka aantu haya yogo omake gawo moshiyaha shimwe konima yefumviko, otaya ka pewa uuyelele kombinga ya nkene ye na okuyanda omukithi nguka.Oshinima shika otashi vulu okutaandelitha omukithi moshigwana.Oshigwana otashi indilwa opo shi longithe omukalo gwokwiitsimpula komake konima ngele shi iyogo moshiyaha shaayehe konima yefimviko,” ta popi ishewe ngaaka.Shangula ta ti onkalo yoli natango mokondolola nokwa indile oshigwana kaashi ngwangwane.Pokati ka Desemba na Januali, okwa li kwa lopotwa aantu yalwe ya si komukithi gwokolela moshitopolowa sha Kunene.Okolela ohay zi unene momeya ge na ombakiteli yedhina Vibrio cholera.Omandhindiliko omanene gomukithi nguka ogo oshimela shomeya nosho wo ekanitho lyomeya molutu.Ngele omuntu ngoka e na omukiti nguka ina mona epango muule woowili omilongo mbali nane, otavu oku sa nuupu.