Eemboo nOndjadjaxwi dha pewa omagano ku New Power Electric cc

OOSIKOLA mbali dhomoHangwena, Eemboo nOndjadjaxwi, omasiku ga zi ko odha pewa omagano gOkoompiuta nEshina lyokwiindjipaleka oombapila kOkampani yedhina New Power Electric cc.

Omukuluntu gwOkampani ndjika New Power Electric cc, tate Cedric Shilongo nomupeha gwe tate Beny Iyambo oyo ya gandjele omagano ngaka kOosikola ndhoka mbali, ye ga pe Aakuluntu yOosikola ndhoka miipathi yaalongisikola, aaniilonga poosikola mpoka,iilyo yOmalelosikola ngoka noshowo miipathi yaanasikola naavali yamwe mboka ya li ya mona ompito okuthika pOosikola mpoka esiku ndyoka.Eemboo odha pewa Eshina lyokwiindjipaleka oombapila omanga oNdjadjaxwi ya pewa Okoompiuta.Okampani ndjika New Power Electric cc,ya totelwe po momumvo 2002, yi na Ombelewa ya yo onene nOndjugo yiikwamalusheno mOngwediva, mwene gwayo, omusamane Shilongo okwa ti kutya ohayi longo iilonga yokutula mo omalusheno omanene moondoolopa noshowo ngoka gomIitopolwa yomUushayi, ano gomomikunda.Omusamane Shilongo ta ti, oye shi mono mo sha yela noshoopala, kaya kale ashike taya tula moondjato dhawo shoka haya likola miilonga yawo mokati koshigwana, ihe ya topolelathane shoka shi li po noshigwana. Onkee, tate Shilongo ta tsikile ko, ye nakuume ke mOkampani yawo ndjika Beny Iyambo, oya ningi etokolo lyokugandja omagano gokOompiuta nEshina lyokwiindjipaleka oombapila kOsikola ya Eemboo noya Ondjadjaxwi, sha zi mpoka sho Oosikola ndhika mbali dhe ya shangele oombapila tadhi ya indile ekwatho.’Tse otwa hala oshigwana sha longwa, onkee twa kutha onkatu yotango yokukwathela oosikola pandondo ndjoka tatu vulu, twa hala aanasikola ya kale ye na iikwaniipangitho yiihwapo uuna tayi ilongo, ‘ tate Shilongo ta ti ngawo.pEthimbo ta taamba ko omagano gosikola yawo gokoompiuta Omukuluntusikola gwOsikola Ondjadjaxwi meme Lucia Naxweka, okwa pandula noonkondo New Power Electric cc sho e ya pa omagano ge thike mpoka.’Tse yopOndjadjaxwi, otwa pandula omagano gokOmpiuta ngoka twa pewa ku New Power Electric cc, ngashi twa li twe mu indile. Tatu pandula Okampani ndjika, ewiliko lyayo kumwe naaniilonga yayo sho taya kwathele oshigwana ngeyi, unene tuu shoka shokomongula. Esiku ndika lyeti 25 Juli 2009, moka twa pewa Okoompiuta ndjika, itatu ke li dhimbwa nande mondjokonona yOsikola yetu ya Ndjadjaxwi, ‘meme Lucia Naxweka ta ti ngawo nenyanyu pehala lyOsikola ye noshigwana shaampoka.Omukuluntusikola gwa Eemboo Combined School tate Fillipus Namhindo, naye okwa pandula New Power Electric cc sho e ya pa Eshina lyokwiindjipaleka oombapila ndyoka ya li ya pumbwa unene pOsikola yawo mpoka.’Otatu pandula noonkondo aakuluntu yOkampani New Power Electric cc, yetu pe omagano ngaka.’Ondi wete kutya New Power Electric cc, oku li sha oshinene kOsikola yetu neyambulopo lyElongo moshilongo. Otatu mu indile mu tsikile ngeyi noku tu yambidhidha opo tu vule okweeta po elongo lyongushu, tali eta po iiyimati oyindji yi na sha nehumithokomeho lya Namibia alihe,’tate Namhindo ta ti ngashiingeyi otaya ka longa nuupu uuna tashi ya pokwiindjipaleka oombapila dhawo unene tuu ndhoka dhomakonaakono.