Edheulo mokumuna paushitwe

EHANGANO lyedhina Namibia Organic Association (NOA) olya dheula aanafaalama 22 naalongwa 17 yopenongelo lyuunamapya niimuna lya Krumhuk melongitho nawa lyuunima uushona womwenyo omathimbo ga piti.

Omukalo nguka ogwa thikama po mevongakano lyoombuto ndhoka oombwanawa dhuunamwenyo mboka ha u longithwa okwoopaleka emuno lyiimeno niinamwenyo.NOA okwa ti elongitho nayi nenge elongitho lya pitilila lyiikwa chemical olya nwethamo nayi omudhingoloko nolya eta oshiponga megameno lyiikulya nomongushu yiikulya.Shika osha fala sigo oompoka kutya iikulya omathimbo gamwe otayi eta oshiponga kuundjolowele waantu noshowo wiinamwenyo.Molwaashika ngashingeyi opena ohokwe onene maantu oku kuna nokumuna paushitwe nokuyanda elongitho lyiikwachemical.Omukalo nguka gwokulongitha ikwaushitwe mokulonga iikulya yiimeno nenge mbyoka tayi zi kiinamwenyo oyo omukalo gwa tototwapo ngashingeyi uule woomvula 20 dha piti, pahapu yomuwiliki gwa NOA, Manjo Smith.Muunamapya uuwanawa wiinamwenyo mevi ohau dhana onkandangala mokwoopaleka evi noku li pa iikulya ya gwana mbyoka ya pumbiwa kiimeno.Mbuka ohau opaleke evi komauzigo, ohau teyagula po iikwamikithi ndhoka ta dhi vulu okudhipaga iimeno.Mbika oha yi kwathele woo iimeno kaa yi thipemevi ikwaatenda iidhigu noya zigopala, nopamukalo nguka ota yi opaleke evi likale li na uundjolowele, ta li gandja omimeno omiwana, eteyo olindji nolyongushu.Memuno lyiimuna omukalo nguka ohagu longithwa okudhipaga ezimba noshowo oondhi miigunda nomiikuku yoondjuhwa , noshowo omukalo nguka ohagu longithwa okuvundakanithwa niikulya yiinamwenyo, oha yi longithwa woo oku gamena muundjolowele womakondo giinamwenyo ya adhike komakondo taga olo.Nuuna ndoka oshidhungwa shika shuukwamwenyo uushona sha tulwa momeya goku nuwa kiinamwenyo, otashi opaleke uukolele wiinamwenyo nuukalinawa wa yo.Oha u vulu woo okulongithwa okukaleka omeya ga yela moondama, momatale, noshowo momahala goonyata nomiinima yilwe po.Stephen Barrow omugandjimayele a za ko South Africa oye a ga ndja oshilongwa shika.NOA oye ha kwatakanitha kumwe nokuhwahwameka elongitho lyiikwaushitwe moku longa iimeno noshowo okumuna iimuna moNamibia.NOA okwa totwapo neyambidhidho lyolutu lwiigwana Hangano ha lu ithanwa UN Namibia Country Pilot Partnership for Integrated Sustainable Land Management, ndjoka yi li kohi Yuuministeli wOmudhingoloko nOmapashiono.Mboka ya hala oku uva oshindji kwaashika ota ya vulu okudhengela omunashipundu sha NOA, Manjo Smith kongodhi 081 129 5575. e-mail ko info@noa.org.na.