Edhagadhaga lya kwathela mokumona ohauto

oKASHAWA komeendelelo kOpolisi, moka mwa li wo mwa longithwa okadhagadhaga kOpolisi ka landwa omathimbo ga zi ko – osha etwa ekwatopo lyomufekelwa gumwe konima yeyakopo lyohauto go pofaambuluka ya Namib Mills koongulasha dhEtitano.

Omugandjimulombo gwOpolisi, Warrant Officer Theofillus Willem, okwa ti aafekelwa yaali oya li ye ya pofaambulika ndjika lwopombali yuusiku, taya thikama sekuriti nondjembo e taye mu manga.Omufekelwa omutitatu ngoka a li e na oshapi yohauto yOkampani ndika, okwa li nee e ya ndjoina e taya fadhuka po nohauto ndjika yo Toyota Hiliza ontokele, yonomola N39812 W yi na okapi.Okuza mpoka, Opolisi moshitopolwa sha Karas nErongo oya ningi olukonga olunene, taku longithwa wo okadhagadhaga kOpolisi. gOsheenditho osha li sha monika kokadhagadhaga kOpoliis, manga sha li sha holekwa miihwa yi li ookilo ndatu kuuzilo wa Karibib, h Willem ta popi ngaaka.Okapi ndjoka ya li kohauto ndjika oya li ya kuthw ako na oya li ya adhika ya holekwa molukanda lumwe po Karibib. Omufekelwa ngoka a kwatwa po, okwa li e ,li mombooloha.