DTA ota yi ti oya galuka yi na oonkondo

OMAHOGOLOLO kehe gopauperesidende noshigongi shopashigwana oha ga mono oongundu oompe dhopolitika ta dhi totwa po, ndele ndhika kadhi shisha shaashi ‘omahala gwokweekelahi aanapolitika mboka yaanombili,’ pa ku tala kwaaleli yoDTA.

Ongundu yoDTA oya tula miilonga omushangwa uvaneko gwayo gwomahogololo ga 2009 pOpuwo mehuliloshiwike lya yi, oya ti ongundu ndjoka, oyo ya li onene yompilameno, oya galuka no yi na oonkondo naanaa ngashi ya li 1990.’Iilumbu oyindji ota yi galuka.Onda tsakanene naGavena gwonale gwa Hardap Pieter Boltman
mOutjo naashika otashi ka eta elunduluko enene methano lyopolitika moshilongo,’ omunashipundi sho DTA, Johan De Waal ta lombwele aayambidhidhi.Omuleli omugundjuka gwoDTA omusamane McHenry Venaani okwa lombwele aayambidhidhi yoDTA kutya ongundu yawo oyi ilongekidha oku shonga Swapo na ka yi na unene oshimpwiyu noongundu dhimwe ndhoka opo dha totwa, molwaashoka ndhika odha totwa kaanapolitika ya geya mboka ya kanitha ompito okwiihumitha ko yoyene, peha lyokulongela oshigwana.’Ngele ando omuperesidende Hifikepunye Pohamba okwa tu lile omusamane Hamutenya mokabinete ke and Hamutenya ina za mo mongundu ndjoka a ka tote oRDP.Ongundu ndjoka oya totwa po sha ziilile mongeyo.Onkene moshilongo omu na ashike oongundu mbali dhopolitika oDTA noSwapo. Adhihe ndhiyaka dhimwe aanapolitika ya geya’Venaani ta ti.Dhimwe dhoomongundu ndhika odha thikama keyambidhidho lyopashitopolwa, oonkwawo odha tala kuukwamuhoko.De Waal okwa tsu kumwe na Venaani kombinga yoongundu dhimwe dhi li ‘omalugumbo gooscrap gaanapolitika.’Okwa ti aaleleli oyendji yoSwapo ota ya kala moParliamende ngashingeyi oomvula 20, oyendji yomuyo oya kala oominista uule weth imbo ndyo, ndele yamwe ota ya endelele okuya komalugumbo giiyagaya papolitika.’Yamwe oya thigilepo ongundu ndjoka ya ka totepo oCOD,ndele ngashingeyi ndjika oya fa ya sa.Hamutenya okwa tameka ngashingeyi olugumbo lwiiyagaya lumwe. Ayehe ohaya tameke nena ndele ongula oya sa nale,’de Waal ta ulike ngaaka.Okwa ti oDTA oya pita mekonakono lyethimbo uule woomvula ndhoka dha piti, ‘(Clemens) Kapuuo okwa si na Dirk Mudge teyi thigi po ndele oDTA oya fa ondundu ya kundukidha Opuwo.Mo 1918 oondundu ndhika opo dha li mpaka, nena odha thikama natango nongula opo to dhi adha mpaka,Omolwaashoka aantu oyendji ota ya galukile koDTA.De Waal ta gwedha ko.O The Namibia oya kundana kutya iilumbu oyindji mbyoka ya li ya thigi po oDTA. Oya tameka okugalukila kongundu ndjoka .Oya thigile po ongundu sho ta ya ti oya li yina Aaherero oyendji.Lissie deVos omuwiliki gwoDTA gwaakiintu okwa ti ongundu na yi indjipaleke aakalelipo yawo sigo opo 18 moshigongi shopashigwana oku za pu yane mboka yina ngashingeyi. Pemanguluko oDTA oya li yi na aakalelipo 21 miipundi 72 ndele oya ka shuna pevi sigo opiipundi 15 oomvula ntano konima yemanguluko. Mo 1999 ongundu oya piyaganekwa sho Mishake Muyongo a zimo noya ka mona ashike iipundi iheyali moshigongi shopashigwana.Naasho oRP noNudo ya zimo moDTA 2003 DTA oya ka nitha iipundi oyindji momahogololo ga 2004 noya mono ashike iipundi ine mbyoka yi na sigo onena moshigongi shopashigwana.Oya kanitha woo ondondo yokukala ompilameno pambelewa sho ndjika ya yi ku COD.