DPN ya uvaneke epangelo lya kwatelamo ayehe

ONGUNDU yo Democratic Party ya Namibia DPN oyu uvaneke okutunga epangelo lya kwatelamo aakwashigwana ayehe.Omuwiliki gwongundu ndjika Salmon Isaack okwa uvaneke kutya ongundu ye ota yi ka kwatelamo aantu ayehe mepangelo lyawo ngele ando oyi mone iipundi oyindji mehogololo lyomuNovomba nuumvo.

‘Ito kala una ombili nengungumano moshilongo ngele aantu yamwe oya patelwa pondje.Shika osha monika ongo shiholelwa miilongo yimwe yAfrika moka aakwashigwana yamwe ya kala ya edhililwa pondje kombinga yokupangela oshilongo,’Isaack ta ti.Sho a popitha oshigongi poKeetmanshoop olyomakaya Isaack okwa ti oongundu dhomihoko dhimwe unene tuu Aanama ota ya liwa oshipungo no ya patelwa pondje ngele ta shi ya komahupilo goshilongo nepangelo.’Opu na ngoka a tegelela Aanama nenge omuhoko gumwe omushona gu kale gwa kuutumba nogu li pokukana, omanga tagu liwa oshipungo pethimbo uuyamba woshilongo ta u manwa po kwaamboka ye na oonkondo’ osho a pula.’Okwa ti kutya omihoko omishona ina dhi landitha po uuthemba wa dho nando okulye’.Isaack okwa ti aantu yomuumbugantu ota ya hepele muuthigona nomoluhepo lwaashi kutumbulwa omanga iilyo yomuhoko ngoka ogundji ya pewa iipambuliko momahangano goomina ngoka ta ga longo muumbugantu woshilongo.Isaack okwa uvanekele aakwashigwana ayehe kutya epangelo lyongundu ye ota li ka gandja oompito dhiilonga dhithike pamwe.Okwa ti aantu ya za momuhoko ngoka ogundji oyo ye na omahala nomauwanawa miinima ngaashi shoka shenkondopeko lyaaluudhe pamahupilo.Nonando epangelo olya tula miilonga omakankameno gokatokolitho kiigwana hanganano 435 hoka ta ka utha uuthike pamwe, ota shi kumitha sho sigo oompaka kutya aapopi yOshiwambo oyo ashike natango oyendji ye na oombandi oonene metanga lyaakwiita.’Opu na ngaa etungo lyoshigwana mpoka nenge opena ngaa edhiminathanepo lyopashigwana?’ Isaack ta pula.Isaack natango okwa ti aniwa aakondjelimanguluko owala oyo ya monene uuwanawa wiimaliwa mbyoka oomiliona 36 dhoodola dha gandjelwe kuSouth Africa okufuta aakwiita mbaka aakulu yo Swatf.Okwa ti oku za ngaa kemanguluko omihoko omishona odha kala nokuthiminikwa kwaamboka yomuhoko ogundji, mboka kaa ye shiwe nkene uukoloni ha u ehama ngele omuntu owa tala monakuziwa.Ethindilo kongudhi lyomihoko omishona olya fala sigo ope dhikopo lyongundu yo DPN omvula yi mwe ngashingeyi.Okwa tindi omapopyo kutya ongundu ye ooyuukwamuhoko, oshoka aniwa oya thikama maaNama Okwa ti ongundu ye oya kankamekelwa komikanka dhuudemokoli, nonando oya totwa po kaapopi yoshiNama.’Tse otu uvite uuntsa oku kala aaNama, mboka otse aavalelwamo yomoshilongo shika muubugantu wAfrika.’ osho a ti.