OSHILYO shOparliamende ya Namibia, Theo Diergaardt, okwa hogololwa a kale Omupevipresidende gwEhangano lyIilyo yOparliamende muuyuni li na sha nomalukalwa (Global Parliamentarians on Habitat).
Diergaardt ota kala noshipundi shika uule woomvula mbali na oshipundi shika okwe shi pewa poshigongi shehangano lya Governing Council of UN-Habita, sha li mu Nairobi sha Kenya, omasiku ga zi ko. Kepulo, Diergaardt okwa ti oshigongi shika osha li sha kundathana kombinga ya nkene ku na okumonika oshimaliwa shokutunga omagumbo, ngoka aantu taya vulu okufuta.
Okwa ti elalakano enene lyehangano lyawo okukutha aantu moombashu, pakuya tungila omagumbo nuundjugo opo onkalo yawo yi kala yi li nawa.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
