Dhoompilameno dha haluthwa ketokolo

OONGUNDU dompilameno odha gongalele metitano nodha kundathana kutya otadhi ningi po shike kombinga yetokolo lyompangu yopombanda ndyoka ya tendemo eindilo lyadho ndyoka lya li ta li kondjitha omahogololo goshigongi shopashigwana nogopauperesidende gomu Novomba omumvo gwayi.

Iilyo yoompilameno oya li ya kumwa sho Ompangu yopombanda ya tendemo oshipotha shawo kepuko lyopaungomba, naashoka oshipotha shika inaashi pulakenwa keityo lyasho, nenge koshikalimo sha sho.Odha kunkwa woo molwaashoka ompangu oya ti odho nadhi fute aatseyimpango mboka ya li taya ningi oompata moshipotha shika ya kalelapo, Okommissi yomahogololo ya Namibia, nongundu yoSwapo.’Ndika etulo mondholongo lyemanguluko lyaantu okukonga, epulakeno’ Amushanga Ndjai gwo DTA , McHenry Venaani a ti.Oshipotha osha li sha simana koshigwana netumwalaka ndyoka ompangu ya tumu oondyoka kutya omuntu ino kambadhala okukonenena nokukonakona iizemo yomahogololo, Venaani ta tsikile.Sho a pulwa ngele oompilameno otadhi ka kondjitha etokolo ndika , Venaani okwa ti’Itandi vulu okutya eeno nenge ahawe’.Omuperesidende gwa UDF, Justus //Garoeb okwa luku etokolo ndika ‘egwitho lyuuyuki’’Uudemokoli owa ehamekwa nayi’ Esiku lyoluhodhi molwa Namibia’osho a lombwele oThe Namibian.Omuleli gwo RP, Henk Mudge okwa ti ye okwa ‘kunkwa unene’ kutya oshipotha osha ekelwahi molwaashike, oshitsa kaashina oshilonga.Ka li a hala okupopya kutya iimaliwa yithike peni taya ka futa, ndele okwa tegelela yi kale oyindji lela.’Ndele oompilameno odhina ookuume oyendji , mboka woo yena onkwa nuudemokoli moNamibia’ osho a ti. Uudemokoli otawu longo ashike ngele oshigwana ashihe oshiitulamo, nopashimaliwa.’Mudge okwa ti oompilameno otadhi ka tala nawa etokolo ndika.’Ngele kapena etompelo ewanawa oku li kondjitha opo owala tatu mwena , ndele tse otatu tsikile nokukondja ‘ osho a ti.’Oshigwana sha Namibia otushi na ongunga opo tu kondjele omahogololo ga manguluka nogeli nawa’ osho Mudge a gwedha ko.Omuperesidende gwa CoD, Ben Ulenga okwa tindi okutya sha sigo uuna ndoka a lesha nokukonakona etokolo lyOmpangu yopombanda nawa.Okwa koleke kutya oongundu ndhika ota dhi kundathana naakalelipo yadho yopampango.Omukuluntu gwelelo mongundu yo RDP, Libolly Haufiku naye okwa hogolola kaatye sha sigo uuna ndoka oongundu ndhika dha kundathana naakalelipo yadho yopampango.