David Beckham okwa hala okudhana moliga yEngelanda

DAVID Beckham okwa tseyitha kutya ota dhiladhila kombinga yoompito okudhana mu yimwe yoospana dhetanga lyokoompadhi dha Engelanda.

Shika ote shi ningi opo a kalekepo ompito ye yo ku dhanena oshilongo she Engelanda mekopi lyuuyuni moSouth Africa omumvo tagu ya.Beckham oku shi shi kutya oku na oku kala ta dhana moliga ndjoka yopombanda opo a kalekepo ehala lye mospana yoshilongo shaandjawo.Osha hala okutya ye oku na woo okukwathela ospana ye opo yi pite okuya kekopi lyuuyuni metitatu sho Engelanda ta tsakanene na Croatia mongundu yawo.Beckham ota dhiladhila kutya konima yokudhanena o LA Galaxy ngele kwa hulu mu Novemba ota yi aka dhane mospana yi ni po.Ospana ya AC Milan ota yi ota vulu oku yi dhanena ishewe ngele okwa hala.Beckham okwa ningile ethimbo ta dhanene ospana ndjika sho LA Galaxy ye mu gandjele onga omudhani a hehelwa.Ngashingeyi ota ku tiwa oospana dha Engelanda ngaashi Manchester City, Tottenham na Arsenal aniwa odha hala Beckham a ka dhane kudho ngele okwa tokola oku ya ku yimwe yomudho.’Ondi na omathaneko gandje.Ondi na oompito dhandje,’Beckham tati.Milan oya tseyithile ndje kutya otandi vulu oku shuna kuyo na ngame ondi uvite nawa okushuna hoka.Ndele ondi na woo oompito odhindji okuhogolola.’’Uuna nda mona ethimbo oku ninga etokolo, otandi ningi etokolo.Oospana ndatu, ne dhomuEngelanda adhihe odha hala ndi dhi dhanene.’’Ihe ngashingeyi ondiipyakidhila manga nuudhano wometitatu nokonima shampa okudhana kwandje koAmerika kwa pu nena otand tseyitha kutya onduuka peni.