OMUNAVETA noshowo omuperesidende omukulu gwehangano lyo Rugby lya Namibia, Dirk Conradie oye omunashipundi omupe gwehangano lyoongodhi dhopeke lya MTC. Conradie okwa landula Steve Motinga ngoka oye a li omunashipundi shewilikongundu lyehangano ndyoka.
Okabinete oka ulike ewilikongundu niilyo iipe poshigongi shako she ti 28 lya Septemba 2010 omanga ethimbo shikako lyewilikongundu ndyoka inaali pwako.Conradie ota ya kala nokulonga niilyo iikwawo yo Asser Ntinda, amushanga gwo shifo sho Swapo Namibia Today. Noshowo na Idah Kandjii-Murangi omukuluntu gwaiilongi nomapingathanitho gaailongi po Univesiti ya Namibia. Mbaka oya pingenepo omunaveta, Patrick Kauta nomunangeshefa, Sylvester Black. Omuniilonga gwaTelecom, Leezhel van Wyk okwa shunwa mo muukwashilyo we wilikongundu ndyoka moshikako thimbo oshitiyali.Aakalelipo yehangano lyoongodhi lya Putu ndyoka lina iipambuliko yooperesenda 34 mo MTC ina ya lundululwa yo, oyo Carlos Cruz na Francisco Padinha na Miguel Geraldes ngoka oye omukuntupitithi gwa MTC. Iipambuliko yooperesenda 66 oyi li miikaha yehangano lyepangelo lyedhina Namibia Post and Telecommunications Holdings [NPTH].
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
