CoD ota ti ina tidha iilyo ye mo Caprivi

O NGUNDU yopapolitika yo Congress of Democrats (CoD) oya ekelahi omapopyo ngoka ga holoka miikundaneki yimwe kutya oya tidha yimwe yomiilyokalelipo yawo moshitopolwa sha Caprivi.

Amushanga gwo CoD Kalla Gertze okwa lombwele oshitumikundaneki sha Nampa kutya opwa li okwaauvakonawa kombinga yomushangwa ngoka gwa pitithwa kOmupresidende gwongundu yawo Ben Ulenga oshiwike sha zi ko. Momushangwa nguka, ongundu ndjika oyi ikaleke kokule nomadhiladhilo gokuyumudha po ongundu yo United Democratic Party (UDP) na Canu mo Caprivi.”Kandi shi kutya okwaauvakonawa huka okwa zi peni.Elalakano lyomushangwa nguka ogwa li ashike okushi yeleka kutya opu na aantu yamwe moshitopolwa sha Caprivi, taa yi mpaka naampeyaka ya hala okuyumudha po oongundu ndhika mbali, ihe oye li wo taya popi kutya oye li natango iilyo yo CoD,” Gertze ta popi ngaaka.Okwa ti aantu mboka taku popiwa ya ningi ngaaka, kaye li we iilyo yo CoD.”Onda li nokuli nda haluka shoka aantu ya tameke okudhengela oongodhi kOmbelewa yetu, taya pula kutya omolwashike twa tidha aantu.Ihe shika hasho, aantu mboka kaye shi iilyo yo CoD na oye na uuthemba okuya miikwapolitika yilwe,” Gertze ta popi.Okwa li kwa lopotwa kutya Crispin Matongo na Dasken Mulisa (ya li nale iilyo yo CoD moshitopolwa sha Caprivi) na yalwe, oya longitha edhina lyo CoD moonkambadhala dhawo dhokuyumUthapo UDP.Momushangwa nguka, ongundu ndjika oyi ikaleke kokule nomadhiladhilo gokuyumudha po ongundu yo United Democratic Party (UDP) na Canu mo Caprivi.”Kandi shi kutya okwaauvakonawa huka okwa zi peni.Elalakano lyomushangwa nguka ogwa li ashike okushi yeleka kutya opu na aantu yamwe moshitopolwa sha Caprivi, taa yi mpaka naampeyaka ya hala okuyumudha po oongundu ndhika mbali, ihe oye li wo taya popi kutya oye li natango iilyo yo CoD,” Gertze ta popi ngaaka.Okwa ti aantu mboka taku popiwa ya ningi ngaaka, kaye li we iilyo yo CoD.”Onda li nokuli nda haluka shoka aantu ya tameke okudhengela oongodhi kOmbelewa yetu, taya pula kutya omolwashike twa tidha aantu.Ihe shika hasho, aantu mboka kaye shi iilyo yo CoD na oye na uuthemba okuya miikwapolitika yilwe,” Gertze ta popi.Okwa li kwa lopotwa kutya Crispin Matongo na Dasken Mulisa (ya li nale iilyo yo CoD moshitopolwa sha Caprivi) na yalwe, oya longitha edhina lyo CoD moonkambadhala dhawo dhokuyumUthapo UDP.