CoD okwa geela Epangelo

O NGUNDU yo Congress of Democracts (CoD) oya geela Epangelo sho itali yamukula nawa komapopyo kutya opwa li onkambadhala yokudhipaga aanapolitika yamwe aakuluntu moshilongo pashiyakela.

Omuwiliki gwo CoD Ben Ulenga okwa ti ye okuuvite nayi sho Omuprimaminista Nahas Angula, ngoka a li e shi zimine mu Mei 2005 kutya opu na nenge opwali omapopyo gatya ngaaka na oshinima shika otashi ka konakonwa, ihe ngashiingeyi ota popi ishewe kutya yo omapopyo nenge omakonakono ngoka inaye ga tseya. “CoD okwa haluka noonkondo kEpangelo sho tali fadhuka po iinakugwanithwa yalyo,” Ulenga osho a lombwele aanankundana ngaaka mOvenduka mOmaandaha.Ulenga okwa li wo a tseyitha omathanekotokolo ngoka ga ningwa poshigongi shOkomitiye yOpashigwana, sha ningwa mehuliloshiwike lya zi ko.Ulenga okwa ti ongundu yawo oyi ikwata noonkondo iinima oyindji yopashigwana, yopapolitika noyopankalathano nkene tayi ende.Okwa ti Epangelo oli na okulonga iilonga yi iwetikile koshigwana, unene tuu ngele oomwenyo dhaantu ya hogololwa odhi li moshiponga.Omapopyo ngaka oga li aniwa ogendji noonkondo omumvo gwa zi ko, ihe aniwa natango opo ge li.Nande ongaaka, Epangelo olya fa aniwa lye ga tala ko ongaa ngoka ge etwa ko kuyo (CoD).Oshigongi shOkomitiye yopashigwana yo CoD osho oshigongi oshinene shongundu ndjika na opo hapu ningwa omatokolo omanene gopaati ndjika.Nena, ongundu ndjika otayi ka tyapula evalo eti: 7 lyayo, shoka tashi ka endela wo pamwe neegulula pambelewa lyOombelewa dhayo oompe mOvenduka.Momaandaha, Ulenga okwa li wo a tseyitha embendango lya Natji Tjirera, ngoka a li Amushanga-Ndjayi gwEwawa lyaagundjuka mo CoD – Young Democrats.Omumvo gwa zi ko, Tjerera okwa li a gandja uusama kaawiliki aakuluntu yongundu yawo kutya inaya eta po sha meyambulopo lyopaati.”CoD okwa haluka noonkondo kEpangelo sho tali fadhuka po iinakugwanithwa yalyo,” Ulenga osho a lombwele aanankundana ngaaka mOvenduka mOmaandaha.Ulenga okwa li wo a tseyitha omathanekotokolo ngoka ga ningwa poshigongi shOkomitiye yOpashigwana, sha ningwa mehuliloshiwike lya zi ko.Ulenga okwa ti ongundu yawo oyi ikwata noonkondo iinima oyindji yopashigwana, yopapolitika noyopankalathano nkene tayi ende.Okwa ti Epangelo oli na okulonga iilonga yi iwetikile koshigwana, unene tuu ngele oomwenyo dhaantu ya hogololwa odhi li moshiponga.Omapopyo ngaka oga li aniwa ogendji noonkondo omumvo gwa zi ko, ihe aniwa natango opo ge li.Nande ongaaka, Epangelo olya fa aniwa lye ga tala ko ongaa ngoka ge etwa ko kuyo (CoD).Oshigongi shOkomitiye yopashigwana yo CoD osho oshigongi oshinene shongundu ndjika na opo hapu ningwa omatokolo omanene gopaati ndjika.Nena, ongundu ndjika otayi ka tyapula evalo eti: 7 lyayo, shoka tashi ka endela wo pamwe neegulula pambelewa lyOombelewa dhayo oompe mOvenduka. Momaandaha, Ulenga okwa li wo a tseyitha embendango lya Natji Tjirera, ngoka a li Amushanga-Ndjayi gwEwawa lyaagundjuka mo CoD – Young Democrats.Omumvo gwa zi ko, Tjerera okwa li a gandja uusama kaawiliki aakuluntu yongundu yawo kutya inaya eta po sha meyambulopo lyopaati.