China a hala pu dhikwe oshiketha

OMUPEVI WILIKI gwombaanga yoshigwana yaChina okwa thaneke pu dhikwe oshiketha shopaigwana shuuyamba. Oshiketha shika oshina okukala shi ithikamena na oshina okulongithwa oku kwathela iilongo mbyoka opo ta yi putuka.

Omushangwa thaneko nguka ogwa gandjwa komeho goshigongi shiilongo 20 oshiwike shi.Napa talikwe ngele ota pa dhikwa oshiketha oshinene shiithikamena shepungulo lyuuyamba, shoka ta shi kala noku gandja iimaliwa kiilongo opo ta yi putuka, opo yi vule okukala oyo omahala omape moka omahupilo guuyuni taga ende noku hwepopala. Omunambelewa , Hu Xiaolian a ti moshinyolwa shoka sha holoka mowebsite ya G-20.Omushangwa ina gu ndjandjukununa nkene oshiketha shika shina okutotwapo nonkene tashi longo. Ndele Beijing okwa kala nokweendulula eindilo kutya na pa kale omuthika gwo pashimaliwa muuyuni gwaandjagana, no ta gu gandja ewi lya kola kiilongo mbyoka opo ta yi putuka, na pu kale woo oshimaliwa oshipe, shuuyuni okungambeka oonkondo neyegameno kokulongitha oodola dhAmerika.Aaleli yiilongo yo G-20 mwa kwatelwa omuperesidende gwa China, Hu Jintao no muleli gwAmerika Barack Obama ota ya gongala moPittsburgh ya kundathane ehwepopalo lyomahupilo guuyuni noonkambadhala ndhoka dha ningwa po oku ngambeka omashongo gopashimaliwa monakuyiwa.Omushangwa gwa Hu Xiaolin ogwa gandjelwe poshigongi shaanambelewa yiimaliwa yoG-20 moshigongi muMai sha li sha gongala muMumbai India.