Chaves a thaneka ehanganomina lya Africa naAmerika lyuumbugantu

OMULELI gwa Venezelwa okwa thaneke kutya Africa naAmerica lyokuumbugantu naya dhikepo ehanganomina lyopokati komanenevi opo iilongo mbika yi vule okupangela oonzo dhayo dhopauntshitwe.

Omuperesidende Hugo Chaves okwa ningi ethaneko ndika mosoondaha poshigongi shiilongo 28.Okwa dhimbulutha oshigongi shika kutya Africa naAmerica lyuumbugantu omavi ge na uuyamba, ndele aantu ya go aathigona. Oya thigonapala molwaashoka oya kala nota ya tsikile nokuthipwa ombinzi.Oshigongi osha kala ta shi pangelwa keindilo kutya iilongo mbyoka yiiwete iihepele na yi imange kumwe opo yi kondjithe okugwililwapo nokupangelwa komahupilo guuyuni kiilongo yokuuninginino.’Ina tu ya etheni yetu thipeni oonkondo noku tu yuga pamukalo omwaanawa. Uuyamba owetu na owaantu yetu,’ Chaves ta gwedha po.Okwa thaneke kutya na pa dhikwe ehanganomina lyiilongo oyindji osho a lombwele oshigongi shiilongo yAfrica nAmerica lyuumbugantu, sha gongalele kontuntu ya Margarita, ta ti Venezuela ota vulu okukwatela komeho unene tuu sho oshilongo shika sha mono iimaliwa yi na sha nokumina omathimbo ngaka.’Kaapena omapulapulo tse otwa pewa iimaliwa oyindji opo tu pungule moomina . Ota tu ke yi shunitha, niimaliwa ta yi zi moshingoli, miitenda, nomokawe hoka tatu longo.’ osho a tseyithile oshigongi shika.’Otwa hala okutotapo ehanganomina lyo ASA. Omapangelo ngoka ga hala ota ga vulu oku kwatathana natse nomanga inaa ga thiga po oshigongi shika,’ Chaves ta lombwele aakalelipo.’Ina tu hepekeni nando ethimbo.Ngele otwa tameke nando oniilongo iyali nenge itatu, otatu vulu okutameka naambyoka ta yi vulu,’Chaves okwa ti Venezuela okwa zimine okutunga po, elongelokumwe miikwamina na Siera Leone na ota ka shaina omauvathano giikwamina na Mauritania, Mali, Niger na Namibia.Omuleli gwa Venezuela okwa thaneke wo elongelokumwe lya faathana naandika moshitopolwa shomahooli.Okwa ti shika osho na shi kale ondjila oku ya komeho.