Cell One a kuthwa po kaakwiilongo

OKAMPANI yoongodhi dhomepaya yedhina Cell One oya tseyithwa kutya oya landitha po oosheya dhawo dhayo adhihe (dhoopelesenda 100) kOkampani yokuEgipiti yedhina Orascom Telecom Holdings.

Telecom okwa landwa po oshimaliwa shOondola oomiliyuna 580. Cell One okwa li a thikama po mOkampani ya Nampower (ndjoka ya li yi na mo oosheya dhoopelesenda 37), Telecom Management Partner (39), Zeven Investment Corporation (12), Old Mutual (10) na PowerCom Educational Development Trust, ngoka a li e na mo oosheya dhoopelesenda mbali.
Pethimbo a li ta popi petseyithopambelo lyekutho ko lya Cell One ku Orascom Telecom Holdings, Omukuluntuwiliki gwOkampani ya Telecel Globe Kai Uebach, okwa ti yo otaya ka longa nuudhiginini taya tameke mpoka Cell One a thigwa ku mboka ya li ye na mo oosheyam, ya ninga onyakwa muunangeshefa woongodhi dhomepaya.
Uebach okwa ti yo oya pulanda okutula oshimaliwa shOndola oomiliyuna mu Cell One nokwaadha oopelesenda 90 sigo 95 dhomahala moka mu na ‘onetweeka’ yawo muule woomwedhi 18.
Ota tu ka ninga Cell One Okampani yi li pombanda momakwatakanithokumwe mu Namibia, tayi gandja omayakulo ge li pombanda, h Uebach osho a popi ngaaka. Okwa ti Cell One ota kala Okampani ya Namibia moshili, tayi ka kala ya tala kutya oopelesenda 99 dhaaniilonga yawo odhAanamibia.
Oshinima shika shelandwepo lya Cell One oopelesenda ethele, osha ninga Okampani ndjika yi ye miikaha yaakwiilonga okuudha.