BP ta zimo muNamibia nomiilongo yilwe

EHANGANO lyomahooli lya BP[nenge British Petroleum] ota li thigi po Botswana, Namibia, Tanzania, Malawi na Zambia.

Etokolo ndika olya landula sho BP a talulula iilonga ye yokudhinda omahooli,nokulanditha muumbugantu wAfrica.Metalululo ndika ehangano olya mono kutya osha simana okukala ta li longo momahala moka omo lina iiyemo nomauwanawa ogendji pakulanditha iilongomwa yalyo. Olya ti iilongo mbyoka moka liwete uuhupilo wu na oonkondo omo Mozambique na South Africa.Ndhika odho oohapu dha popiwa komuwiliki gwa BP menenevi Africa, Sipho Maseko.Okwa ti ehangano olya tseyithila nale omapangelo giilongo mbyoka ya gumwa ketokolo ndika naaniilonga mboka haya longele ehangano ndika nayo oya tseyithilwa oshinima shika oshiwike shayi.Maseko okwa ti BP natango ota tsikile oku kala iitulamo mokulonga menenevi Africa. ‘Otu na iilonga iinene noyishi okumonikwa moAngola, Mozambique na South Africa muumbugantu wAfrica omanga iilonga yetu yilwe ota yi adhika kuumbangalantu wAfrica moAlgeria, Egypt, na Libya.’Otatu tsikile okupungula momalandithilo ngoka unene tuu moku gwedha ko ongushu komahala goku andjaganeka iilongomwa yetu.”Maseko ota ti okuna omukumo kutya ongeshefa ndjoka ehangano lye ta li landitha po otayi ka gandja ongushu ombwaanawa ku na ku yilanda po unene tuu sho yi na oonkondo pamahupilo moshitopolwa.Mwene gwongeshefa ndjika ompe ota ka tungila keliko ndyoka ewanawa tatu thigi po nota ka kokeka ongeshefa ndjika’ osho Maseko a ulike.