OMWIINDILI gwiilonga yokuteleka okwa ti elelo lyokalando Bethanie olya longa nokugamombinga megandjo lyiilonga mbyoka.
Martha Riekert okwa ti ewilikongundu lya Bethanie aniwa olya gandja iilonga mbyoka komuntu gwedhina , Irene Meintjies. Riekert ota ti mboka ye na mo sha moshinima shika oyo omunashipundi gwelelo Andreas Knouwds na kansela Conrad Beukes, mbaka ye lilepo ongundu yo RDP mewilikongundu lyoshilando shoka. Riekert okwa ti Meintjies aniwa okwa pewa otendela ndjoka inaa gandja ontengenekothaneko kutya ota pula ingapi miilonga mbyoka. Ota ku fekelwa kutya ewilikongungu olya gandja iilonga mbika ku Meintjies oshoka nguka aniwa na ye omuyambidhidhi gwo RDP. Ye ishewe oku li aniwa omumwayinakadhona gwa Beukes.Riekert okwa lombwele oshifo sho The Namibian oku na uuyelele kutya Knouwds na Beukes aniwa oya dhengele Meintjies ongodhi kombinga yoku pewa iilonga mbyoka, nonando okwa li inaa gandja omutengeneko thaneko gwe. Okwa ti oshinima shoka kashili nando nawa kombinga yaamboka ya landula omusinda gwomondjila moku gandja omathaneko gokutya ingapi ta ya pula miilonga mbyoka, nonando oya tseyithilwa methimbo efupi. Meintjies okwa ti okwa ka ninga ohokwe yoku kutha iilonga mbyoka konima sho a tseyithilwa mongodhi ku Knouwds. Okwa ti molwaashoka okwa tseyithilwa ethimbo lya pwapo shika oshe mu thiminike a gandje omathaneko giifuta mbyoka ta pula mongodhi.Meintjies okwa ti sigo oompaka ewiliko lyoshilando shoka ina li mu futa natango molwa iilonga mbyoka yokuteleka a longele mu Mai nuumvo.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
